អ្នកចាត់ការរបស់ក្រុម AS Roma លោក Jose Mourinho ហាក់មានភាពជឿជាក់យ៉ាងខ្លាំងចំពោះកូនក្រុមរបស់ខ្លួន ដោយបាននិយាយទុកជាមុនថាក្រុមរបស់ខ្លួនគួរតែបានឈ្នះពាន UEFA Europa League រួចទៅហើយមុនការប្រកួតជើងទីពីរវគ្គពាក់កណ្តាលផ្តាច់ព្រ័ត្រទល់នឹង Bayer Leverkusen។ ជំនឿចិត្តទាំងនេះបានមកពីមូលហេតុដែលក្រុមរបស់លោកជាក្រុមតែមួយគត់ដែលលេងពាននេះចាប់តាំងពីដើមរដូវកាល មិនដូចក្រុមផ្សេងៗដូចជា Leverkusen ដែលធ្លាក់ពីពាន UEFA Champions League ដើម្បីមកលេងនៅការប្រកួតធំទីពីររបស់បាល់ទាត់កម្រិតក្លិបនៅអឺរ៉ុបនេះឡើយ។ នៅក្នុងសន្និសីទកាសែតមុនការប្រកួត អ្នកចាត់ការសញ្ជាតិព័រទុយហ្កាល់រូបនេះបាននិយាយថា “បើសិនជាខ្ញុំគ្មានអំនួតនោះទេ ខ្ញុំអាចនិយាយយ៉ាងស្រួលថាយើងបានឈ្នះ Europa League ទៅហើយ។ ប្រសិនបើ Europa League គឺសម្រាប់ក្រុមដែលលេងពាននេះតាំងពីដើមមក គឺ ...

ក្លិបហង្សក្រហម Liverpool បានធ្វើការប្រកាសជាផ្លូវការអំពីសមាសភាពកីឡាករចំនួន 4 រូបដែលធ្លាប់ជួយក្លិបឲ្យឈ្នះពាន UEFA Champions League នឹង Premier League ត្រូវចាកចេញនៅរដូវក្តៅនេះ។ ក្រុមរបស់លោក Jurgen Klopp បានបញ្ជាក់យ៉ាងច្បាស់ថា ខ្សែបម្រើចំនួន 3 រូបរួមមាន កីឡាករ James Milner ក៏ដូចជា Alex Oxlade-Chamberlain នឹង Naby Keita ក៏ដូចជាខ្សែប្រយុទ្ធ Roberto Firmino នឹងត្រូវលាគ្នាពី Liverpool ក្រោយចប់រដូវកាល ...

ក្លឹប Bayern Munich ត្រូវបានគេរាយការណ៍ថាគ្រោងនឹងកាត់ផ្តាច់ទំនាក់ទំនងពីកីឡាករចំណូលថ្មី Sadio Mane និង Joao Cancelo នៅចុងបញ្ចប់នៃរដូវកាល 2022-2023 នេះហើយ។ កីឡាករសញ្ជាតិសេណេហ្គាល់ និងព័រទុយហ្គាល់នឹងចំណាយពេលមួយខែទៀតនៅឯ Allianz Arena នៅពេលដែលទីផ្សារដោះដូរកីឡាកររដូក្តៅចាប់ផ្តើមបើកជាផ្លូវការ។ Mane បានមកដល់ប្រទេសអាឡឺម៉ង់ពី Liverpool ក្នុងរដូវក្តៅឆ្នាំ 2022 ខណៈដែល Cancelo ត្រូវបានខ្ចីជើងពី Manchester City ក្នុងខែមករា។ យ៉ាងណាក្តី កីឡាករតាំងពីរហាក់មិនបានផ្តល់នូវអ្វីដែល Bayern ចង់បាន ដោយនេះអាចជាមូលហេតុដែលក្លិបយក្សអាឡឺម៉ង់មួយនេះកំពុងតែរៀបចំបញ្ជូនកីឡាករទាំងពិរចេញពីក្លិប ដោយ ...

Ivan Toney បានបង្ហាញខ្លួននៅចំពោះមុខក្រុមប្រឹក្សាវិន័យ ខណៈដែលការស៊ើបអង្កេតលើការចោទប្រកាន់ចំនួន 262 ករណីនៃបទល្មើសភ្នាល់ដែលត្រូវបានចោទប្រកាន់ជិតដល់ទីបញ្ចប់។ Toney ត្រូវបានចោទប្រកាន់ពីបទបំពានច្បាប់ភ្នាល់ចំនួន 232 ក្នុងខែវិច្ឆិកា ឆ្នាំ 2022 មុនពេលរងការចោទប្រកាន់ចំនួន 30 បន្ថែមទៀតនៅខែបន្ទាប់។ គាត់បានបន្តលេងតាំងពីពេលនោះមក ប៉ុន្តែឥឡូវនេះបានបង្ហាញខ្លួននៅចំពោះមុខគណៈកម្មាការ និងបានសារភាពចំពោះករណីមួយចំនួន នេះបើយោងតាមរបាយការណ៍ ប៉ុន្តែកីឡាករសញ្ជាតិអង់គ្លេសរូបនេះក៏​បាន​ផ្តល់​ភស្តុតាង​បន្ថែម​ទៀត ដោយ​មិន​បាន​ទទួល​ស្គាល់​រាល់​បទ​ល្មើស​ទាំង​អស់នោះឡើយ។ ក្នុងករណីដែលក្រុមប្រឹក្សាវិន័យរកឃើញថា Toney ត្រូវទទួលខុសត្រូវចំពោះករណីទាំង 262 នោះពិតមែន Toney នឹងត្រូវរងពិន័យយ៉ាងធ្ងន់ធ្ងរដោយអាចប្រឈមនឹងការជាប់បម្រាមមិនឲ្យលេងចំនួន 6 ខែរឺច្រើនជាងនេះ បើផ្អែកតាមស្ថានទម្ងន់ទោសដែលបានរកឃើញ៕

លោក​ Simone Inzagi បានទម្លាយឲ្យដឹងថាថ្នាក់ដឹកនាំរបស់ក្លិប Inter Milan បានស្នើរឲ្យគាត់ជួយឲ្យក្រុមឡើងបានត្រឹមវគ្គ 16 ក្រុមប៉ុណ្ណោះ ប៉ុន្តែអតីតកីឡាករក្រុមជម្រើសជាតិអ៊ីតាលីរូបនេះបានទាញ Inter រហូតដល់វគ្គផ្តាច់ព្រ័ត្រនៃពានរង្វាន់ UEFA Champions League។ ក្រោយកីឡាករ Lautaro Martinez រកបានមួយគ្រាប់នៅនាទីទី 74 ក្នុងការប្រកួតជើងទី 2 វគ្គពាក់កណ្តាលផ្តាច់ព្រ័ត្ររវាងក្រុម​ Inter Milan នឹង AC Milan ក្រុមរបស់លោក​ Inzahgi បានកក់កៅអីមួយក្នុងចំណោមកៅអីទាំងពីរនៃវគ្គផ្តាច់ព្រ័ត្រជាលើកដំបូងចាប់តាំងពីឆ្នាំ 2009 ដែលលោក Jose ...

កីឡាករខ្ចីជើងរបស់ក្រុមបិសាចក្រហម Manchester United Marcel Sabitzer នឹងត្រូវបានដាក់មិនឲ្យប្រកួតរហូតចប់រដូវកាលក្រោយរងរបួសជង្គង់ ហើយពេលនេះអនាគតរបស់គេជាមួយ Man United ក៏មិនទាន់មានភាពច្បាស់លាស់អ្វីនៅឡើយ។ ខ្សែបម្រើរូបនេះបានអវត្តមានកំឡុងជ័យជម្នះរបស់​​ Man United ទៅលើក្រុម Wolves កាលពីថ្ងៃសៅរ៍សប្តាហ៍មុនដោយមានអារម្មណ៍ចម្លែកនៅជង្គង់របស់គេក្នុងការប្រកួតជាមួយ West Ham។ មិនបានប៉ុន្មាន ក្លិប Manchester United បានធ្វើការប្រកាសជាផ្លូវការថា Sabitzer នឹងអាក់ខានការប្រកួតដែលនៅសល់ទាំងប៉ុន្មានសម្រាប់ក្រុម បូករួមទាំងការប្រកួតវគ្គផ្តាច់ព្រ័ត្រពាន FA Cup ទល់នឹងក្រុមមេឃខៀវ Manchester City នៅថ្ងៃទី 3 មិថុនាផងដែរ។ ...

អតីតអ្នកចាត់ការរបស់ក្រុម Leeds United លោក Marcelo Bielsa ពេលនេះបានត្រឡប់មកការដឹកនាំវិញ ដោយបានក្លាយជាគ្រូបង្វឹកថ្មីសម្រាប់ក្រុមជម្រើសជាតិអ៊ុយរ៉ាហ្កាយកាលពីពេលថ្មីៗនេះ។ គ្រូបង្វឹកវ័យ 67 ឆ្នាំរូបនេះបានចាកចេញពីកីឡដ្ឋាន Ellen Road កាលពីខែកុម្ភះឆ្នាំ 2022 ក្រោយចំណាយពេល 3ឆ្នាំកន្លអក្នុងការជួយជ្រោមជ្រែង Leeds រហូតបានមកលេងនៅលីកកំពូលអង់គ្លេស English Premier League។ លោក Bielsa បានដឹកនាំ Leeds ចំនួន 170 ប្រកួតដោយរកបានជ័យជម្នះចំនួន 81 ដងហើយស្រោចស្រង់ Leeds ពីការអវត្តមានពីក្របខ័ណ្ឌ Premier ...

អតីតអ្នកចាំទីក្រុម Manchester United កីឡាករ Ben Foster ប្រឈមមុខនឹងអនាគតមិនច្បាស់លាស់នៅឯក្លិបថ្មី Wrexham ខណៈដែលគាត់មិនទាន់អាចសម្រេចចិត្សម្រាប់តជំហានបន្ទាប់របស់គាត់បាន។ Foster បានចាកចេញពីការចូលនិវត្តន៍ក្នុងខែមីនាដែលមានអាយុ 40 ឆ្នាំដើម្បីចុះហត្ថលេខាលើកិច្ចព្រមព្រៀងរយៈពេលខ្លីជាមួយ Wrexham ដែលនៅទីបំផុតបានជួយឲ្យយពួកគេឡើងទៅកាន់លីកបាល់ទាត់អង់គ្លេសវិញបន្ទាប់ពីអវត្តមានរយះពេល 15 ឆ្នាំ។ អតីតអ្នកចាំទី Aston Villa, Watford និង West Brom លេងបានប្រាំបីប្រកួតនៅចុងបញ្ចប់នៃរដូវកាលនេះសម្រាប់ក្លិប Wrexham ប៉ុន្តែវាមិនត្រូវបានគេបញ្ជាក់ថាតើគាត់នឹងចុះហត្ថលេខាលើកិច្ចសន្យាថ្មីនោះទេ។ Wrexham បានប្រកាសបញ្ជីឈ្មោះរបស់ពួកគេសម្រាប់រដូវកាលក្រោយនៅថ្ងៃចន្ទដោយមានកីឡាករចំនួន 11 នាក់ដែលត្រូវចាកចេញ និងកីឡាករផ្សេងដែលត្រូវចុះហត្ថលេខាលើកិច្ចសន្យាបន្តនៅមុនការប្រកួត League Two៕

យោងតាមរបាយការណ៍ជាច្រើននៅអេស្ប៉ាញបានឲ្យដឹងថា Barcelona នឹងស្នើសុំ La Ligaសម្រាប់ការធានាថាពួកគេនឹងអាចចុះឈ្មោះ Lionel Messi មុនពេលបញ្ចប់ការចុះហត្ថលេខារបស់គាត់។ ក្លឹបយក្សនៅតំបន់កាតាឡាន់ ចង់ចុះហត្ថលេខាលើវីរបុរសអាហ្សង់ទីនឡើងវិញនៅរដូវក្តៅនេះ ដោយប្រាកដណាស់ថាគាត់នឹងចាកចេញពី Paris Saint-Germain នៅពេលកុងត្រារបស់គាត់ផុតកំណត់ចុងរដូវកាល 2022-2023 នេះ ប៉ុន្តែក្លិប Barcelona នៅតែមិនទាន់ទុកចិត្ត ដោយគ្រោងរង់ចាំភ្លើងខៀវពី La Liga សម្រាប់គម្រោងទម្លាក់កម្រៃរបស់កីឡាករក្នុងក្លិបជាមុន។ ការទាមទារការធានាបែបនេះ អាចចាត់ទុកជាមេរៀនដែលជាហេតុធ្វើឲ្យ Messi ចាកចេញពីក្លិបដែលគាត់គោរពស្រលាញ់គ្មានថ្ងៃបំភ្លេចបាន ដោយសារតែបញ្ហាហិរញ្ញវត្ថុដែលក្លិបបានជួបប្រទះកាលពីឆ្នាំ 2021៕

ខ្សែការពារស្លាបស្តាំរបស់ក្រុមសេដ្ឋីបារាំង Paris Saint-Germain កីឡាករ Achraf Hakimi មានបំណងចង់ត្រឡប់ទៅក្លិបចាស់របស់ខ្លួនវិញ ពោលគឺក្លិប Real Madrid សម្រាប់ទីផ្សារដោះដូរកីឡាកររដូវក្តៅក្រោយ។ យោងទៅតាមការរាយការណ៍របស់សារព័ត៌មានអេស្ប៉ាញបានឲ្យដឹងថា Hakimi បច្ចុប្បន្នហាក់មានបញ្ហាមួយចំនួនដែលមិនពាក់ព័ន្ធក្នុងការប្រកួតរបស់គេឡើយ ដូចនេះគេគ្រោងធ្វើការត្រឡប់ទៅកាន់ Real Madrid វិញ ប៉ុន្តែ PSG មិនមានបំណងឲ្យកីឡាករសញ្ជាតិម៉ារ៉ុករូបនេះចាកចេញឡើយ ដោយសារតែកុងត្រារបស់គេដែលមានសុពលភាពរហូតដល់ទៅឆ្នាំ 2026៕