Arsenal មានទំនុកចិត្តក្នុងការយកឈ្នះ Chelsea ក្នុងការចុះហត្ថលេខាលើខ្សែបម្រើ Declan Rice របស់ West Ham នៅរដូវក្តៅ។
កាសែត The Times រាយការណ៍ថាក្រុមកាំភ្លើងធំកំពុងធ្វើឱ្យការចុះហត្ថលេខាលើកីឡាករសញ្ជាតិអង់គ្លេសជាអាទិភាពកំពូលរបស់ពួកគេសម្រាប់ទីផ្សារដោះដូរកីឡាកររដូវក្តៅខាងមុខ ខណៈដែល Chelsea និង Manchester United ក៏កំពុងតែដុតដៃដុតជើងដើម្បីចុះហត្ថលេខាយក Rice ដែរ។ West Ham ទំនងជានឹងត្រូវបង្ខំចិត្តលក់កីឡាករវ័យ 24 ឆ្នាំនៅរដូវក្តៅនេះ ខណៈដែលកិច្ចសន្យារបស់គាត់នឹងផុតកំណត់នៅឆ្នាំ 2024។
ទោះជាយ៉ាងណាក៏ដោយ Arsenal ប្រហែលជាត្រូវចំណាយប្រាក់រហូតដល់ 80 លានផោន ដើម្បីទិញគាត់នៅចុងបញ្ចប់នៃរដូវកាល។ ក្រុមកាំភ្លើងធំនឹងមានសង្ឃឹមក្នុងការនាំយក Rice ហើយមិនចាញ់ Chelsea ក្នុងគោលដៅមួយផ្សេងទៀតនោះទេ បន្ទាប់ពីគូប្រជែងនៅទីក្រុងឡុងដ៍របស់ពួកគេបានយកឈ្នះក្នុងការចុះហត្ថលេខាលើកីឡាករ Mykhailo Mudryk ពី Shakhtar Donetsk ក្នុងតម្លៃ 89 លានផោន៕
ប្រភព : The Times
