Thomas Frank បានទទួលស្គាល់ថាគាត់មានការភ្ញាក់ផ្អើលចំពោះកីឡាកររបស់ក្រុម Chelsea ដែលលោក Frank Lampard បានជ្រើសរើសអំឡុងការប្រកួតនៅកីឡដ្ឋាន Stamford Bridge កាលពីពេលថ្មីៗនេះ។
គ្រាប់បាល់ចូលទីខ្លួនឯងពី Cesar Azpilicueta និងគ្រាប់បាល់ស៊ុតបញ្ចូលទីរបស់ Bryan Mbeumo នៅពាក់កណ្តាលតង់បានធ្វើឲ្យ Chelsea ភ្លក់ការបរាជ័យជាលើកទីប្រាំរបស់ពួកគេក្នុងការប្រកួតក្រោមការដឹកនាំរបស់អ្នកចាត់ការបណ្តោះអាសន្ន Lampard ។ គ្រូបង្វឹករូបនេះបានដាក់កីឡាករជម្រើស 11 នាក់ដំបូងស្រដៀងកាលប៉ះ Real Madrid ក្នុងក្របខ័ណ្ឌ Champions League ជាមួយនឹងខ្សែការពារកណ្តាលប្រាំនាក់ និងខ្សែបម្រើកណ្តាលបួននាក់ ដោយរក្សា Raheem Sterling ជាខ្សែប្រយុទ្ធតែម្នាក់ឯង។ វិធីសាស្រ្តការពារនេះ ជាពិសេសនៅកីឡដ្ឋាន Stamford Bridge បានធ្វើឱ្យគ្រូបង្វឹក Brentford ភ្ញាក់ផ្អើល ប៉ុន្តែលោករីករាយដែលបានឃើញ Chelsea រក្សាទម្រង់របស់ពួកគេបែបនេះទៅវិញ។
លោក Thomas Frank បានបង្ហាញពីចំណាប់អារម្មណ៍ពិតរបស់គាត់ថា “យើងរីករាយដែលពួកគេបានបង្ហាញការគោរពយ៉ាងខ្លាំងដល់យើង ហើយក្នុងពេលនោះខ្ញុំក៏មានអារម្មណ៍ភ្ញាក់ផ្អើលបន្តិចដេរ។ ខ្ញុំគោរពគ្រប់ក្រុម យើងមិនខ្លាចក្រុមណាមួយឡើយ។ យើងបាននិយាយអំពីក្រុមរបស់គេពេលដែលឃើញ line-up ដំបូង។ វានៅតែ Chelsea នៅតែលេងក្នុងកីឡដ្ឋាន Stamford Bridge ហើយពួកគេនៅតែជាកីឡាករដែលមានសមត្ថភាពខ្ពស់។ យើងបានព្យាយាមធ្វើការយ៉ាងលំបាកលើប្រព័ន្ធ និងគោលការណ៍ផ្សេងៗ និងវិធីដែលយើងគ្រប់គ្រងការប្រកួតគឺពិតជាល្អណាស់”៕
ប្រភព : Sky Sports
