Category: ពត៌មានកីឡា

កីឡាករវ័យក្មេងរបស់លីកកំពូលអង់គ្លេស ​Premier League ចំនួនពីររូបត្រូវបានសមត្ថកិច្ចឃាត់ខ្លួននៅក្រៅកីឡដ្ឋានបាល់ទាត់មួយជុំវិញការចោទប្រកាន់នៃការចាប់រំលោភសេពសន្ថវះ។ បើយោងទៅតាមសារព័ត៌មាន The Sun សមត្ថកិច្ចត្រូវបានដាក់ការងារអោយទៅកាន់កីឡដ្ឋានមួយកាលពីចុងសប្តាហ៍មុន ហើយកីឡាករវ័យ 19 ឆ្នាំមួយរូបត្រូវបានឃាត់ខ្លួនសាកសួរភ្លាមៗជុំវិញការប្រើប្រាស់អំពើហិង្សាក៏ដូចជាការផ្សំគំនិតក្នុងការចាប់រំលោភ។ របាយការណ៍ដដែលក៏បានបន្ថែមទៀតថា មិត្តរួមក្រុមរបស់គេដែលមានវ័យដូចគ្នា ត្រូវបានឃាត់ខ្លួននៅថ្ងៃបន្ទាប់ក្រោមការចោទប្រកាន់ដូចគ្នា។ អ្នកនាំពាក្យរបស់ប៉ូលីសបាននិយាយថា សមត្ថកិច្ចបានឃាត់ខ្លួនបុរសពីរនាក់ក្រោយមានករណីប្តឹងជុំវិញការរំលោភសេពសន្ថវះ។ បុរសវ័យ 19 ឆ្នាំទាំងពីររូបត្រូវបានយកមកសាកសួរ ហើយក៏បានដោះលែងអោយនៅក្រៅឃុំជាបណ្តោះអាសន្ន ខណះកងកម្លាំងជំនាញកំពុងធ្វើការស៊ើបអង្កេតបន្ថែមដើម្បីស្វែងរកភស្តុតាងប្រឆាំងទៅនឹងការដាក់បណ្តឹងរបស់ជនរងគ្រោះ៕

លោក Fabio Capello បានចេញមកធ្វើការបំភ្លឺជុំវិញការពិភាក្សាស្វែងរកកំពូលកីឡាករបាល់ទាត់ក្នុងប្រវត្តិសាស្ត្ររវាង Lionel Messi នឹង Cristiano Ronaldo ដោយបានលើកនូវចំណុចពិសេសតែសាមញ្ញមួយដែលធ្វើអោយអ្នកទាំងពីរមានភាពខុសគ្នាជាខ្លាំង។ ខ្សែប្រយុទ្ធក្រុមជម្រើសជាតិព័រទុយហ្កាល់ គឺជាកីឡាករតែមួយគត់ដែលអាចមកក្បែរកម្រិតរបស់ Lionel Messi នៅក្នុងអាជីពដ៏ត្រចះត្រចង់របស់ពួកគេទាំងពីរ។ ក្នុងចំណោម Ronaldo នឹង​ Messi ពួកគេបានឈ្នះពាន Ballon d’Or រហូតដល់ទៅ 13 លើកផ្សេងៗគ្នា រួមទាំងពានរាប់មិនអស់ផ្សេងៗទៀតនៅក្នុងប្រវត្តិសាស្ត្របាល់ទាត់ មិនថាជាពានផ្ទាល់ខ្លួន ពានសម្រាប់ក្លឹប រឺក្រុមជម្រើសជាតិនោះឡើយ។ ចំណុចពិសេសមួយទៀតនោះគឺ ចំនួននៃគ្រាប់បាល់ដែល Ronaldo នឹង Messi ...

Nottingham Forest អាចចាត់វិធានការផ្លូវច្បាប់ប្រឆាំងនឹងស្ថានីយទូរទស្សន៍ Sky Sports បន្ទាប់ពី Gary Neville បានប្រដូចការឆ្លើយតបរបស់ក្លឹបទៅនឹងការពិន័យដ៏ចម្រូងចម្រាសទៅនឹងក្រុមម៉ាហ្វៀ។ បន្ទាប់ពី Neville បាននិយាយជាសាធារណៈនូវសេចក្តីថ្លែងការណ៍ដ៏ចម្រូងចម្រាសរបស់ Forest ដោយចោទសួរអំពីភាពត្រឹមត្រូវស្អាតស្អំរបស់មន្ត្រី VAR លោក Stuart Attwell ឥឡូវនេះក្លឹបកំពុងថ្លឹងថ្លែងលើការឆ្លើយតបរបស់ពួកគេ។ យោងតាមកាសែត Daily Mail នោះអាចជាទម្រង់នៃសកម្មភាពផ្លូវច្បាប់ ដោយនាយកដ្ឋានផ្លូវច្បាប់របស់ Nottingham Forest បាននិយាយថាកំពុងរៀបចំលិខិតមួយទៅកាន់ Sky ទាក់ទងនឹងអ្វីដែល Neville បាននិយាយ។ គួររំលឹកផងដែរថា ក្រោយចប់ការប្រកួត អ្នកតំណាងមកពីក្លឹប ...

ការស្ទង់មតិមួយបានបង្ហាញថាអ្នកគាំទ្រ Liverpool មិនចង់បាន Zinedine Zidane រឺលោក Ruben Amorim នោះឡើយតែប្រាថ្នាចង់ឃើញវីរកីឡាកររបស់ Liverpool មួយរូបដើម្បីមកជំនួសតំណែងដែលបន្សល់ទុកដោយលោក Jurgen Klopp ក្រោយចប់រដូវកាល 2023-2024។ ក្រុមហង្សក្រហមបានស្វែងរកអ្នកចាត់ការថ្មីចាប់តាំងពីលោក Klopp បាននិយាយជាសាធារណៈថាគាត់នឹងចាកចេញពីក្លឹបនៅចុងបញ្ចប់នៃរដូវកាលបច្ចុប្បន្ន។ ពួកគេត្រូវបានផ្សារភ្ជាប់ជាមួយនឹងគ្រូបង្វឹកជាច្រើននាក់ក្នុងរយៈពេលប៉ុន្មានខែកន្លងមកនេះ ដោយលោក Amorim របស់ក្លឹប Sporting CP ត្រូវបានចាត់ទុកថាជាអ្នកដែលមានលទ្ធភាពខ្ពស់បំផុតក្នុងការមកដឹកនាំក្លឹបកំពូលនៅអង់គ្លេសជំនួសអ្នកចាត់ការសញ្ជាតិអាឡឺម៉ង់។ ទោះជាយ៉ាងណាក៏ដោយអ្នកគាំទ្រហង្សក្រហមបានជ្រើសរើសបេក្ខភាពដែលពួកគេចូលចិត្តដែលអាចចូលរួមជាមួយក្លឹបនៅមុនរដូវកាល 2024-2025 ហើយវាមិនចម្លែកអ្វីនោះឡើយដែលអ្នកគាំទ្រ Liverpool ចង់ឃើញលោក Steven Gerrard ត្រឡប់មកកាន់កីឡដ្ឋាន Anfield ...

Antony ត្រូវ​បាន​គេ​រិះគន់​ចំពោះ​ការ​បញ្ចេញកាយវិការឌឺដង​លើ​កីឡាករ​របស់​ក្រុម Coventry City ក្រោយ​ការ​ស៊ុត​បាល់​ប៉េណាល់ទី​របស់ Manchester United ដើម្បីកក់កៅអីវគ្គផ្តាច់ព្រ័ត្រពាន FA Cup ​នៅ Wembley។ ក្រុមរបស់លោក Erik ten Hag បានធានានូវកៅអីមួយ ដោយការស៊ុតបាល់ប៉េណាល់ទី បើទោះបីជាបាននាំមុខ 3 គ្រាប់ទល់នឹងក្រុមមកពីលីកទីពីរអង់គ្លេសមុននៅម៉ោងធម្មតាក៏ដោយ។ ខណះការប្រកួតបានឈានមកដល់លទ្ធផល 3-3 បន្ទាប់ពីម៉ោងបន្ថែម បិសាចក្រហមបានឈ្នះការស៊ុតបាល់បញ្ចូលទីក្នុងលទ្ធផល 4-2 ខណៈដែល Rasmus Hojlund ជាយកស៊ុត។ ក្រោយចប់ការប្រកួត កីឡាករបម្រុង Antony ត្រូវបានគេមើលឃើញថាយកដៃខ្ទប់ត្រចៀកហើយរត់ឌឺកីឡាកររបស់ក្រុម ...

អ្នកគាំទ្រក្លឹប West Ham បានបញ្ចេញការខកចិត្តរបស់ពួកគេយ៉ាងខ្លាំងចំពោះអ្នកចាត់ការលោក David Moyes បន្ទាប់ពីក្លឹបបានរបូតគ្រាប់បាល់ចំនួន 4 គ្រាប់ទល់នឹង Crystal Palace ក្នុងរយៈពេល 31 នាទីនៃការប្រកួតវគ្គទីមួយ។ ក្រុមញញួរយក្សបានធ្លាក់ចេញពីក្របខណ្ឌ Europa League ក្រោមថ្វីជើងក្រុមខ្លាំងមកពីអាឡឺម៉ង់ Bayer Leverkusen ក្នុងលទ្ធផល 3-1 កាលពីពាក់កណ្តាលសប្តាហ៍ ដោយឡែកកាលពីថ្ងៃអាទិត្យកន្លងទៅពួកគេបានរបូតគ្រាប់បាល់ចំនួន 4 គ្រាប់ទល់នឹងក្រុម Crystal Palace ក្នុងរយៈពេល 31 នាទីដំបូងនៃការប្រកួតក្របខ័ណ្ឌ Premier League ដែលបានធ្វើឱ្យអ្នកគាំទ្រមានការខឹងសម្បារជាខ្លាំង ...

បើយោងតាមរបាយការណ៍ថ្មីបំផុតមួយ លោក Zinedine Zidane ទំនងជាបានរើសគោលដៅបន្ទាប់រួចទៅហើយ ក្នុងចំណោមក្លឹបធំៗពីរដូចជា Manchester United នឹង Bayern Munich។ សារព័ត៌មានធំរបស់ប្រទេសបារាំងមួយបានទម្លាយ កិច្ចព្រមព្រៀងដ៏មានសក្តានុពលណាមួយក្នុងការនាំ Zidane ទៅកាន់ប្រទេសអាឡឺម៉ង់កំពុងប្រឈមមុខនឹងឧបសគ្គយ៉ាងសំខាន់ជាច្រើន បើទោះបីជាអតីតគ្រូបង្វឹកក្រុម Real Madrid រូបនេះត្រូវបានទាក់ទងសម្រាប់មុខតំណែងដែលទំនេរក្នុងពេលឆាប់ៗនេះនៅឯកីឡដ្ឋាន Allianz Arena ក៏ដោយ។ Bayern ត្រូវ​បាន​គេ​និយាយ​ថា​នឹង​ព្យាយាមគ្រប់យ៉ាងដើម្បីបញ្ចុះបញ្ចូល Zidane មកលីកកំពូលអាឡឺម៉ង់ តែក្នុងចិត្តរបស់អតីតខ្សែបម្រើក្រុមជម្រើសជាតិបារាំងហាក់មានតែបិសាចក្រហមតែមួយប៉ុណ្ណោះ។ ទោះធ្លាប់ដឹកនាំតែ Real Madrid ក៏ពិតមែន ប៉ុន្តែពិភពបាល់ទាត់បានចាត់ទុក Zidane ថាជាគ្រូបង្វឹកដ៏ល្អមួយក្នុងចំណោមគ្រូបង្វឹកកំពូលៗនៅក្នុងពិភពលោក ...

ក្លឹបបាល់ទាត់ Vitesse ត្រូវបានសហព័ន្ធបាល់ទាត់ហូឡង់ដកចំនួន 18 ពិន្ទុ និងត្រូវបានកាត់ចេញពីលីកកំពូល Eredivisie បន្ទាប់ពីការស៊ើបអង្កេតបានរកឃើញអំពីទំនាក់ទំនងហិរញ្ញវត្ថុជាមួយលោក Roman Abramovich។ Vitesse ត្រូវបានគេ 18 ពិន្ទុ ហើយការកាត់ចោលរបស់ពួកគេត្រូវបានបញ្ជាក់ជាផ្លូវការបន្ទាប់ពីការស៊ើបអង្កេតពីការិយាល័យផ្នែកស៊ើបអង្កេតរបស់សារព័ត៌មាន បានរកឃើញទំនាក់ទំនងហិរញ្ញវត្ថុរវាងក្លឹបហូឡង់ និងលោក Roman Abramovich ដែលជាអតីតម្ចាស់ក្លឹបតោខៀវ Chelsea។ នៅខែមីនាឆ្នាំ 2023 មានការលើកឡើងជាច្រើនថាលោក Abramovich បានផ្តល់ប្រាក់ទៅកាន់ Vitesse ជាសម្ងាត់អស់រយៈពេលជាច្រើនឆ្នាំហើយថែមទាំងបានអោយក្លឹបមួយនេះខ្ចីប្រាក់រហូតដល់ទៅ 117 លានអឺរ៉ូថែមទៀតផង។ Vitesse ស្ថិតនៅបាតតារាងនៃ Eredivisie រួចទៅហើយ ...

អ្នកគាំទ្របាល់ទាត់មួយចំនួនបានបង្កើតជាការចោទសួរយ៉ាងខ្លាំងទៅដល់អាជ្ញាកណ្តាល នៅពេលដែលអ្នកចាំទីរបស់ក្រុម Aston Villa ពោលគឺ Emiliano Martinez ទទួលបាន​កាត​លឿង​ទី​ពីរ​ទល់​នឹង Lille អំឡុង​ពេល​ស៊ុត​បាល់​កាត់សេចក្តី 11 ម៉ែត្រប៉ុន្តែ​មិន​ត្រូវ​បាន​បណ្តេញ​ចេញ​ទៅវិញ។ Martinez បានធ្វើឱ្យប្រជាជនបារាំងមានការខូចចិត្តម្តងទៀត ខណៈដែលគាត់បានធ្វើការសង្គ្រោះចំនួនពីរ អំឡុងពេលការស៊ុតបាល់ប៉េណាល់ទីរបស់ Aston Villa ទល់នឹង Lille ។ កីឡាករអាហ្សង់ទីនបានសង្គ្រោះបាល់ប៉េណាល់ទីដំបូងរបស់ Lille ដែលស៊ុតចេញពី Nabil Bentaleb ហើយភ្លាមៗនោះបានងាកទៅរកអ្នកគាំទ្រក្នុងទម្រង់សើចចំអកឌឺដង។ បន្ទាប់មក ខណៈពេលដែលឈរនៅចំហៀងមើល Ollie Watkins រៀបចំការទាត់បាល់ គាត់បានបង្ហាញសកម្មភាពមិនសមរម្យទៅកាន់អ្នកគាំទ្រ ហើយត្រូវបានអាជ្ញាកណ្តាល ...

លីកកំពូលរបស់ប្រទេសអាឡឺម៉ង់ នឹង អ៊ីតាលីសប្តាហ៍នេះកំពុងរស់នៅជាមួយសេចក្តីសុខពេញទី ពេលឃើញក្រុម 4 ក្នុងចំណោមក្រុម 5 នៅលីកកំពូលអង់គ្លេស Premier League ធ្លាក់ចេញពីការប្រកួតនៅទ្វីបអឺរ៉ុប ដែលអាចធ្វើអោយមានផលប៉ះពាល់ធំសម្រាប់រដូវកាលក្រោយ។ យោងតាមសារព័ត៌មាន ​​ESPN ក្របខ័ណ្ឌ Serie A នឹងមានយ៉ាងហោចណាស់ប្រាំកៅអីនៅក្នុងក្របខ័ណ្ឌ Champions League សម្រាប់រដូវកាលក្រោយ បន្ទាប់ពីទទួលបានចំណាត់ថ្នាក់មួយក្នុងចំណោមពីរបន្ថែមទៀតនៅក្នុងតារាងចំណាត់ថ្នាក់របស់ UEFA ។ នេះគឺដោយសារតែ Roma និង Atalanta បានឈានដល់វគ្គពាក់កណ្តាលផ្តាច់ព្រ័ត្រ Europa League ហើយ Fiorentina បានឈានទៅវគ្គ ...