Author: phanin

គ្រូបង្វឹកក្រុម Juventus លោក Massimiliano Allegri បានឆ្លុះបញ្ចាំងពីបញ្ហាដ៏ធំបំផុតនៅក្នុងក្លឹបបន្ទាប់ពីការបរាជ័យក្នុងការប្រកួតសម្រាប់ក្របខ័ណ្ឌ Serie A ក្រោមស្នាដៃក្រុមធ្លាក់ជើងរដូវកាលនេះ Napoli។ នៅក្នុងបទសម្ភាសន៍ក្រោយការប្រកួតជាមួយ DAZN លោក Allegri បានចង្អុលទៅកាន់កីឡាករដែលគ្មានបទពិសោធន៍ ថាជាហេតុផលចម្បងសម្រាប់ការបរាជ័យ 2-1 ដោយគ្រូបង្វឹកសញ្ជាតិអុីតាលីរូបនេះបានណែនាំថាក្រុមក្មេងៗរបស់គាត់មានការតាំងចិត្តខ្លាំងពេក ហើយមិនបានផ្លាស់ប្តូរផែនការរបស់ពួកគេនៅពេលដែលវាមិនដំណើរការក្នុងការសម្រុកទម្លុះតំបន់ការពាររបស់ Napoli។ លោក Allegri បាននិយាយថា “ទោះបីជាគ្មាន Weston McKennie និង Adrien Rabiot ក៏ដោយ កីឡាករ Carlos Alcaraz ពិតជាធ្វើបានយ៉ាងល្អនៅក្នុងការប្រកួតពិតដំបូងរបស់គាត់។ ...

ខ្សែប្រយុទ្ធក្រុមតោខៀវ Chelsea កីឡាការិនី Sam Kerr បានចូលខ្លួនមកបំភ្លឺនៅតុលាការកាលពីថ្ងៃចន្ទ ចំពោះការចោទប្រកាន់ពីបទរើសអើងជាតិសាសន៍ដែលមានស្ថានទម្ងន់ទោសលើមន្ត្រីសមត្ថកិច្ចម្នាក់។ Sam Kerr ត្រូវបានចោទប្រកាន់ពីបទប្រើពាក្យប្រមាថ គំរាមកំហែង ដល់មន្រ្តីប៉ូលីសនៅក្នុងឧប្បត្តិហេតុមួយនៅតំបន់ Twickenham នៃទីក្រុងឡុងដ៍កាលពីខែមករាកន្លងទៅ។ តារាឆ្នើមរបស់ក្រុមជម្រើសជាតិអូស្ត្រាលីបានបង្ហាញខ្លួននៅតុលាការកាលពីថ្ងៃចន្ទ ហើយបានចូលច្រានចោលនូវកំហុសចំពោះការចោទប្រកាន់នេះ។ ឥឡូវនេះសំណុំរឿងនឹងស្ថិតក្នុងដំណើរការកាត់ក្តី ហើយគ្រោងធ្វើនៅខែកុម្ភៈ ឆ្នាំ 2025។ Kerr នឹងត្រូវតម្រូវឱ្យចូលរួមដោយផ្ទាល់ ដោយសវនាការរំពឹងថានឹងមានរយៈពេល 4 ថ្ងៃ ហើយវាត្រូវបានគេរាយការណ៍ផងដែរថានឹងមានវត្តមានប៉ូលីសពីរនាក់ដែលនឹងផ្តល់ភស្តុតាងប្រឆាំងនឹង Kerr៕

អ្នកគាំទ្រផ្កាប់មុខមួយរូបរបស់ក្រុម Darmstadt បានរត់សម្រុកចូលទីលាន ហើយស្រែកដាក់កីឡាករដែលកំពុងតែឈរអន់ចិត្តជាក្រុម បន្ទាប់ពីពួកគេចាញ់យ៉ាងធ្ងន់ធ្ងរនៅក្នុងដីរបស់ខ្លួនដោយក្រុម Augsburg។ Darmstadt នៅតែឈរនៅបាតតារាងនៃលីកកំពូលអាឡឺម៉ង់ Bundesliga បន្ទាប់ពីចាញ់ក្រុម Augsburg ក្នុងលទ្ធផល 6-0។ បន្ទាប់ពីបរាជ័យក្នុងផ្ទះដ៏អាម៉ាស់ អ្នកគាំទ្រម្នាក់បានប្រាប់ពីអារម្មណ៍របស់គាត់ចំពោះកីឡាករក្រោយអាជ្ញាកណ្តាលផ្លុំកញ្ចែបញ្ចប់ការប្រកួត។ នៅក្នុងវីដេអូឃ្លីបដែលបានបង្ហោះនៅក្នុងបណ្តាញសង្គម អ្នកគាំទ្រអាចត្រូវបានគេឃើញកំពុងស្រែកផងយំផង ដាក់ទៅកាន់កីឡាកររបស់ Darmstadt ដែលកំពុងឈរទះដៃសុំទោសអ្នកគាំទ្រផ្សេងទៀត។ Darmstadt ដែលបានស្គាល់រសជាតិជ័យជម្នះត្រឹមតែពីរប្រកួតក្នុងលីកនៅរដូវកាលនេះ ទទួលបានការតម្លើងមកកាន់ កាលពីខែឧសភាឆ្នាំមុន ប៉ុន្តែការស្នាក់នៅរបស់ពួកគេក្នុង Bundesliga មើលទៅនឹងមានរយៈពេលខ្លី ខណៈដែលពួកគេកំពុងលង់ខ្លួនជ្រៅរហូតដល់ទៅ 12 ពិន្ទុក្នុងតំបន់កាត់ចោល ទាំងដែលការប្រកួតសម្រាប់រដូវកាល 2023-2024 នៅសល់ត្រឹមតែ 10 ...

Manchester United បានឃើញកំណត់ត្រា 143 ប្រកួតមិនគួរឱ្យជឿរបស់គេ ត្រូវបានកំទេចចោលដោយគូប្រជែងរួមទីក្រុង ពោលគឺ Manchester City នៅក្នុងជំនួប Manchester Derby ខណះដែលក្រុមភ្ញៀវបានរងបរាជ័យយ៉ាងអាម៉ាស់ជាទីបំផុត។ ក្រុមរបស់លោក Erik ten Hag បានចាប់ផ្តើមការប្រកួតយ៉ាងល្អនៅក្នុងកីឡដ្ឋាន Etihad ដោយការស៊ុតបញ្ចូលទីយ៉ាងអស្ចារ្យពីខ្សែប្រយុទ្ធ Marcus Rashford នៅនាទីទី​ 8 នៃការប្រកួតវគ្គទីមួយ។ ទោះយ៉ាងណាក្តី បិសាចក្រហមនៅមិនអាចទប់ទល់ការសម្រុកដ៏ហូរហៀររបស់ Man City បានវាយបកយកឈ្នះវិញក្នុងលទ្ធផល 3-1 ដោយកីឡាករ Phil Foden ...

ខ្សែការពារជើងចាស់ Eric Dier នឹងបន្តនៅជាមួយមិត្តរួមក្រុម Harry Kane នៅក្លឹប Bayern Munich ខណៈដែលខ្សែការពាររូបនេះបានបញ្ចប់ការផ្ទេរជាអចិន្ត្រៃយ៍ពីមាន់ខ្នាយមាស Tottenham Hotspur។ កិច្ចព្រមព្រៀងដំបូងដែលចុះហត្ថលេខាក្នុងអំឡុងទីផ្សារដោះដូរកីឡាករខែមករា កំណត់រយៈពេលខ្ចីជើងរហូតដល់ចុងបញ្ចប់នៃរដូវកាល 2023-2024 នេះ ជាមួយនឹងជម្រើសសម្រាប់ Bayern ក្នុងការបន្តសម្រាប់រយៈពេល 12 ខែបន្ថែម។ កាលពីថ្ងៃសៅរ៍ Bayern Munich បានបញ្ជាក់ជាផ្លូវការថាពួកគេបានអនុវត្តជម្រើសនេះ ដោយចង Dier ជាមួយក្លឹបរហូតដល់ខែមិថុនា ឆ្នាំ 2025 ដោយបង្ហាញពីទំនុកចិត្តរបស់ពួកគេលើសមត្ថភាព និងការរួមចំណែកដ៏មានសក្តានុពលដល់ក្រុមរបស់ខ្សែការពារអង់គ្លេស។ Bayern នឹងត្រូវបង់ថ្លៃខ្ចីជើងចំនួន ...

Frank Lampard បានបង្ហើបថាគាត់កំពុងសម្លឹងមើលការវិលត្រឡប់ទៅកាន់តំណែងជាអ្នកគ្រប់គ្រងវិញ រយៈពេល 10 ខែបន្ទាប់ពីសុបិន្តអាក្រក់រយៈពេលខ្លីរបស់គាត់ជាមួយក្លឹបតោខៀវ Chelsea កាលពីរដូវកាលមុន។ Lampard បានត្រលប់ទៅរកទ្រនំចាស់របស់ខ្លួនជាបណ្ដោះអាសន្ន ដើម្បីជំនួសតំណែងលោក Graham Potter ក្នុងនាមជាគ្រូបង្វឹក Chelsea កាលពីរដូវកាលមុន។ ទោះបីជាយ៉ាងណាក៏ដោយ ក្រោមការដឹកនាំរបស់ Lampard លទ្ធផលបានបន្តធ្លាក់ចុះ ហើយលទ្ធភាពនៃការវិលត្រលប់មកវិញជាអចិន្ត្រៃយ៍ត្រូវបានដកចេញយ៉ាងឆាប់រហ័ស។ ជាលទ្ធផល លោក Mauricio Pochettino ត្រូវបានប្រកាសជាគ្រូបង្វឹកអចិន្ត្រៃយ៍ក្នុងរដូវក្តៅនេះ ប៉ុន្តែនៅតែមិនអាចកែប្រែជោគជតារាសីរបស់ក្រុមតោខៀវបានទាល់តែសោះ។ ថ្លែងទៅកាន់ TalkSport លោក Lampard បាននិយាយថា “បាទបច្ចុប្បន្នខ្ញុំរីករាយនឹងការនៅជាមួយគ្រួសារ ប៉ុន្តែខ្ញុំចង់ត្រលប់មកវិញនៅពេលណាមួយ។ ...

Jude Bellingham ត្រូវ​បាន​បណ្តេញ​ចេញ​ពី​ការប្រកួត បន្ទាប់ពីមានការ​មិន​ពេញចិត្ត​ ក្រោយគ្រាប់បាល់នៅ​វិនាទី​ចុង​ម៉ោងត្រូវ​បាន​បដិសេធ​ដោយ​សំឡេង​កញ្ចែ​បញ្ចប់ការប្រកួត​ក្នុង​ការ​ប៉ះ​ទង្គិច​ដ៏​វឹកវរ​ជាមួយ Valencia។ Bellingham ស្ទើរតែអាចរកគ្រាប់បាល់បាននៅនាទីទី 99 នៃការប៉ះទង្គិចគ្នារវាងក្រុមទាំងពីរ ដោយគ្រាប់បាល់នោះអាចជាគ្រាប់បាល់ធានាបីពិន្ទុក្នុងលទ្ធផល 3-2។ ទោះជាយ៉ាងណាក៏ដោយ អាជ្ញាកណ្តាលបានផ្លុំកញ្ចែបញ្ចប់ការប្រកួត មុនពេលបាល់ត្រូវបានបញ្ជូន បើទោះបីជាក្រុមរបស់ Bellingham នៅតែស្ថិតក្នុងដំណាក់កាលនៃការលេងសម្រុកចុងម៉ោងក៏ដោយ។ ជាលទ្ធផល Bellingham នឹងកីឡាកររបស់ក្រុម Real Madrid បានទៅបញ្ចេញកំហឹងនឹងការមិនពេញចិត្តចំពោះការសម្រេចចិត្តរបស់អាជ្ញាកណ្តាល ហើយខ្សែបម្រើក្រុមជម្រើសជាតិអង់គ្លេសជាកីឡាករដែលទទួលបានកាតក្រហមក្រោយប្រើប្រាស់ពាក្យសម្តីមិនសមរម្យដាក់មន្ត្រីអាជ្ញាកណ្តាល។ អតីតខ្សែបម្រើរបស់ក្រុម Borussia Dortmund រូបនេះនឹងទទួលបានការពិន័យបន្ថែម ដោយអាចនឹងអវត្តមានសម្រាប់ការប្រកួតក្នុងលីកកំពូលអេស្ប៉ាញពីរប្រកួតបន្ទាប់សម្រាប់ក្រុមរបស់លោក Carlo Ancelotti៕

កីឡាករ Alejandro Garnacho ត្រូវបាន Lionel Scaloni កោះហៅឱ្យចូលរួមជាមួយ Lionel Messi ក្នុងក្រុមជម្រើសជាតិអាហ្សង់ទីនសម្រាប់ការប្រកួតមិត្តភាពនាពេលខាងមុខរបស់ពួកគេក្នុងខែមីនានេះ។ ការសម្រេចចិត្តរបស់ប្រទេសចិនក្នុងការបិទទ្វារមិនស្វាគមន៍ក្រុមជម្រើសជាតិអាហ្សង់ទីន បន្ទាប់ពីមានភាពចម្រូងចម្រាសជុំវិញការអវត្តមានរបស់ Messi ពីការប្រកួត Inter Miami ក្នុងទីក្រុងហុងកុង បាននាំឱ្យមានការលុបចោលការប្រកួតមិត្តភាពដែលបានគ្រោងទុកចំនួនពីរជាមួយក្រុមជម្រើសជាតិកូតឌីវ័រ នឹង នីហ្សេរីយ៉ា។ ទោះបីជាយ៉ាងណាក៏ដោយ សហរដ្ឋអាមេរិកបានឈានជើងស្វាគមន៍ផ្ទះអាហ្សង់ទីន ដោយផ្តល់ឱកាសសម្រាប់ក្រុមរបស់ Scaloni ដើម្បីបន្តការត្រៀមលក្ខណៈរបស់ពួកគេនៅលើទឹកដីអាមេរិកមុនការប្រកួត Copa America ឆ្នាំ 2024។ ​អាហ្សង់ទីនត្រូវឆ្លងកាត់ការ​ប្រកួត​មិត្ត​ភាព​ពីរ​ក្នុង​ខែ​មីនា។ ការប្រកួតដំបូងគេនឹងជួបជាមួយក្រុមជម្រើសជាតិអ៊ែល សាវាឌ័រនៅកីឡដ្ឋាន Philadelphia Financial ...

សហព័ន្ធកីឡាបាល់ទាត់អារ៉ាប៊ីសាអូឌីត បានចាប់ផ្តើមយុទ្ធនាការជាផ្លូវការសម្រាប់ការដេញថ្លៃធ្វើជាម្ចាស់ផ្ទះព្រឹត្តិការណ៍បាល់ទាត់លំដាប់ពិភពលោក FIFA World Cup ឆ្នាំ 2034។ ដោយបានប្រកាសពីចេតនារបស់ខ្លួនក្នុងការដេញថ្លៃសម្រាប់ការប្រកួតបាល់ទាត់ពិភពលោកឡើងវិញនៅខែតុលា ឆ្នាំ 2023 ពេលនេះសហព័ន្ធកីឡាបាល់ទាត់អារ៉ាប៊ីសាអូឌីត បានបើកយុទ្ធនាការរបស់ខ្លួនជាផ្លូវការក្នុងការដេញថ្លៃធ្វើជាម្ចាស់ផ្ទះការប្រកួតពិភពលោកជាលើកដំបូងក្នុងឆ្នាំ 2034 ក្រោមពាក្យស្លោកថា “រីកចម្រើន​ ជាមួយគ្នា” ហើយក៏បានបង្ហាញរូបសញ្ញាដេញថ្លៃរបស់ខ្លួន គេហទំព័រ និងភាពយន្តខ្លីដែលអបអរសាទរកីឡាបាល់ទាត់នៅប្រទេសអារ៉ាប៊ីសាអូឌីតផងដែរ។ ពាក្យស្លោករបស់អារ៉ាប៊ីសាអូឌីត ចង់ចាប់យកទាំងការកើនឡើងយ៉ាងឆាប់រហ័សនៃវិស័យកីឡានៅក្នុងប្រទេស និងឥទ្ធិពលវិជ្ជមានដែលធ្វើជាម្ចាស់ផ្ទះការប្រកួតនឹងមានលើបាល់ទាត់អន្តរជាតិ និង FIFA World Cup។ គួររំលឹកផងដែរថា អារ៉ាប៊ីសាអូឌីតបានរៀបចំព្រឹត្តិការណ៍អន្តរជាតិជាង 100 នៅទូទាំងកីឡាជិត 40 ក្នុងរយៈពេលប្រាំមួយឆ្នាំចុងក្រោយនេះ ហើយពាក្យស្លោកយុទ្ធនាការនេះមានគោលបំណងចាប់យកស្មារតីនៃចំណងនេះដើម្បីជួយកសាងអនាគតដ៏ល្អប្រសើរសម្រាប់វិស័យកីឡានៅក្នុងប្រទេសនាតំបន់មជ្ឈឹមបូព៌ាមួយនេះ៕

លោក John Textor និយាយថាគាត់មិនខ្វល់អំពីបដារបស់អ្នកគាំទ្រ Crystal Palace ដែលរិះគន់ភាពជាសហកម្មសិទ្ធិរបស់គាត់ ហើយគាត់មិនធ្វើការឱ្យអ្នកគាំទ្ររបស់ក្លឹបនោះទេ។ លោក Textor ដែលមានភាគហ៊ុនប្រហែល 45% នៅក្នុងក្លឹប Crystal Palace ចាប់តាំងពីឆ្នាំ 2021 គឺស្ថិតក្នុងចំណោមអ្នកដែលត្រូវទទួលរងការរិះគន់ពីអ្នកគាំទ្រ។ បន្ទាប់​ពី​អ្នក​គាំទ្រ​បាន​បង្កើត​បដា​ដែលមានសរសេរ​ថា “ភាព​ជា​ម្ចាស់​ក្លឹប​ច្រើន​។ ល្បែង​ផ្សារ​ហ៊ុន។ Textor យើង​មិន​ទុក​ចិត្ត​អ្នក​ទេ” សេដ្ឋីជនជាតិ​អាមេរិក ដែល​ជា​ម្ចាស់​ក្លឹប Lyon មួយ​ផ្នែក​ផង​ដែរ បាន​ឆ្លើយ​តប​ក្នុង​លក្ខណៈយ៉ាងគំរោះគំរើយជាទីបំផុត។ លោក John Textor បាននិយាយទៅកាន់ BBC Sport ...