Bayern Munich បានប្រកាសពីការចុះហត្ថលេខាលើកីឡាករ Jonah Kusi-Asare កាលពីថ្ងៃព្រហស្បតិ៍កន្លងទៅ ដោយកីឡាករវ័យក្មេងបានពាក់អាវលេខ 9 ដែលជាន់គ្នាជាមួយខ្សែប្រយុទ្ធ Harry Kane។
កីឡាករជម្រើសជាតិអង់គ្លេសបានចូលរួមជាមួយក្រុម Tottenham នៅរដូវក្តៅដែលជាកន្លែងដែលគាត់បានពាក់អាវលេខ 10 ដ៏ល្បីល្បាញ។ Kane បានបំបែកកំណត់ត្រា Bundesliga ជាច្រើនមកហើយគិតមកទល់ពេលនេះ ហើយកំពុងរកបាន 23 គ្រាប់ក្នុងលីកសម្រាប់រដូវកាលនេះ បន្ទាប់ពីលេងបានតែ 19 ប្រកួតប៉ុណ្ណោះ។ Bayern បានបង្ហាញនៅថ្ងៃចុងក្រោយនៃទីផ្សារដោះដូរកីឡាករខែមករាថាពួកគេបាននាំយកអ្នកស្នងតំណែងដ៏មានសក្តានុពលរបស់ Kane ជាមួយនឹងការចុះហត្ថលេខាលើ Kusi-Asare ក្នុងតម្លៃ 4.5 លានអឺរ៉ូ ប៉ុន្តែអ្នកគាំទ្របានកត់សម្គាល់ឃើញកីឡាករអាយុ 16 ឆ្នាំនឹងកាន់កាប់អាវលេខ 9 ដែលបច្ចុប្បន្នជាលេខរបស់ Kane។
ភាពច្របូកច្របល់សម្រាប់អ្នកគាំទ្រ Bayern អាចនឹងត្រូវបានជម្រះយ៉ាងងាយស្រួល ព្រោះ Kane នឹងបន្តពាក់អាវលេខ 9 ដែលនាំឱ្យគាត់ទទួលបានជោគជ័យក្នុងរដូវកាលនេះ។ លេខអាវរបស់ Kusi-Asare សំដៅលើកន្លែងរបស់គាត់នៅក្នុងឈុត U19 របស់ Bayern ជាកន្លែងដែលគាត់នឹងលេងនៅរដូវកាលនេះ ដើម្បីទទួលបានបទពិសោធន៍ដ៏សំខាន់។ តាមបច្ចេកទេស ខ្សែប្រយុទ្ធទាំងពីរគឺពាក់អាវលេខ 9 ដូចគ្នា គ្រាន់តែ Kusi-Asare លេងសម្រាប់ក្រុម U19 ហើយ Kane នៅតែជាខ្សែប្រយុទ្ធជួរមុខរបស់ឈុតធំក្រុម Bayern Munich៕
