ក្រុមជម្រើសជាតិប្រេស៊ីល តែងតាំងគ្រូបង្វឹកថ្មីប៉ុន្តែមិនមែនជាលោក Carlo Ancelotti នោះឡើយ!

ក្លិប Sao Paulo បានបញ្ជាក់ថា គ្រូបង្វឹករបស់ខ្លួនពោលគឺលោក Dorival Junior របស់ពួកគេកំពុងចាកចេញពីក្លិប ដើម្បីមកកាន់តំណែងជាអ្នកចាត់ការក្រុមជម្រើសជាតិប្រេស៊ីល បន្ទាប់ពីលោក Carlo Ancelotti បានធ្វើការការបដិសេធ។

Sao Paulo បានចេញសេចក្តីថ្លែងការណ៍ដ៏វែងមួយកាលពីថ្ងៃអាទិត្យដោយបញ្ជាក់ថាលោក Dorival Junior បានលាលែងពីតំណែងដើម្បីចូលកាន់តំណែងជាអ្នកចាត់ការរបស់ប្រេស៊ីល។ ក្នុងអំឡុងពេលរបស់គាត់ជាមួយក្លឹបគាត់បានឈ្នះពានរង្វាន់ Copa do Brasil និងបានឈ្នះមេដាយប្រាក់ផងដែរជាមួយ Flamengo, Athletico Paranaense, Santos និង Vasco da Gama ។ Ancelotti ត្រូវ​បាន​គេ​កំណត់​ថា​ជា​គោលដៅ​សំខាន់​មួយ​របស់​ប្រេស៊ីល ប៉ុន្តែ​គាត់​បាន​ជ្រើសរើស​បន្ត​នៅ Real Madrid ជា​ជាង​ទទួល​បន្ទុក​ក្រុមជម្រើសជាតិ។

ប្រេស៊ីលមានបំណងចង់ឈ្នះពានរង្វាន់ជាលើកដំបូងរបស់ពួកគេចាប់តាំងពីឆ្នាំ 2019 នៅពេលដែលពួកគេបានលើកពាន Copa America ។ ពួកគេមិនធ្លាប់ឈ្នះ World Cup ចាប់តាំងពីឆ្នាំ 2002 មក មានន័យថា ពេលនេះពួកគេបានចំណាយពេលដល់ទៅ 22 ឆ្នាំហើយ ដោយមិនបានឈ្នះរង្វាន់ដ៏ធំបំផុតរបស់កីឡាបាល់ទាត់៕