ខ្សែបម្រើ Rodri របស់ក្លឹប Manchester City បាននិយាយថា បាល់ទាត់គឺពិតជាឃោរឃៅមែនទែនចំពោះមិត្តរួមក្រុមជម្រើសជាតិអេស្ប៉ាញរបស់គាត់ពោលគឺ Gavi បន្ទាប់ពីការរងរបួសរបស់គាត់។
ខ្សែបម្រើរបស់ Man City រូបនេះបានបង្ហើបថា ដំបូងឡើយ កីឡាករវ័យក្មេងរូបនេះបានតស៊ូយ៉ាងខ្លាំងជាមួយព័ត៌មានរបួសរបស់គាត់ ដោយបានជជែកជាមួយគាត់អំពីរបៀបដែលគាត់អាចយកឈ្នះលើភាពលំបាក និងក្លាយជាកីឡាករបាល់ទាត់ដែលប្រសើរជាងនេះ។
និយាយទៅកាន់សារព័ត៌មានអេស្ប៉ាញមួយ Rodri បានលើកឡើងពី Gavi ថា “នោះជាថ្ងៃដ៏លំបាកមួយ។ Gavi គឺជាមនុស្សដែលគេស្រលាញ់ខ្លាំង គាត់មានបុគ្គលិកលក្ខណៈល្អ ពេលខ្លះគាត់ត្រូវបានគេរិះគន់ ប៉ុន្តែតាមពិតទៅខ្ញុំចូលចិត្តគេណាស់។ បាល់ទាត់បានធ្វើបាបគាត់ជាខ្លាំង។ នៅក្នុងការសម្រាកតង់ទីមួយក្នុងការប្រកួតទល់នឹង Georgia យើងបាននិយាយទៅគាត់ម្ដងទៀតថាគាត់នៅក្មេង ហើយនេះនឹងធ្វើឱ្យគាត់កាន់តែខ្លាំង។ វាជារឿងដែលលំបាកខ្លាំងមួយ ប៉ុន្តែគេនឹងអាចជម្នះឧបសគ្គមួយនេះ”៕
