អ្នកគាំទ្រនៅអាឡឺម៉ង់ គ្រោងធ្វើការតវ៉ាបែបនេះក្រោយបញ្ហាប្រព័ន្ធផ្សព្វផ្សាយ

អ្នកគាំទ្រជាច្រើននៅ Bundesliga គ្រោងនឹងរក្សាភាពស្ងប់ស្ងាត់រយៈពេល 12 នាទីនៅគ្រប់ការប្រកួតលីកទាំងអស់នៅចុងសប្តាហ៍នេះ ដើម្បីតវ៉ាប្រឆាំងនឹងលទ្ធភាពនៃការដាក់លក់សិទ្ធិផ្សាយតាមទូរទស្សន៍។

នៅក្នុងការនិយាយសំដៅលើឥទ្ធិពលរបស់អ្នកគាំទ្រក្នុងនាមជាសមាជិកទី 12 នៃក្រុម អ្នកគាំទ្រក្លឹបកំពូលៗមួយចំនួនរបស់អាល្លឺម៉ង់ ជាពិសេសអ្នកគាំទ្រ Bayern Munich និង Borussia Dortmund បានប្រកាសកាលពីថ្ងៃសុក្រថាពួកគេនឹងរក្សាភាពស្ងៀមសម្រាប់ 12 នាទីដំបូងនៃការប្រកួតនាពេលខាងមុខរបស់ក្រុមពួកគេ។

អស់រយៈពេលជាច្រើនខែមកហើយ អ្នកគាំទ្របានធ្វើបាតុកម្មនៅការប្រកួត Bundesliga ជាមួយនឹងបដាដោយព្រួយបារម្ភថាលីគនឹងត្រូវបានរងសម្ពាធដោយអ្នកវិនិយោគដើម្បីផ្លាស់ប្តូររចនាសម្ព័ន្ធនៃការប្រកួត និងផ្តល់អាទិភាពដល់អ្នកមើលទូរទស្សន៍លើសពីអ្នកគាំទ្រដែលមានវត្តមាននៅក្នុងកីឡដ្ឋានផ្ទាល់។ បាតុកម្មបានចាប់ផ្តើមនៅពេលដែលក្រុមបាល់ទាត់បុរសកំពូលទាំងពីរនៅប្រទេសអាឡឺម៉ង់បានសម្រេចចិត្តឆ្ពោះទៅមុខជាមួយនឹងការពិភាក្សាដើម្បីអនុញ្ញាតឱ្យក្រុមហ៊ុនវិនិយោគទិញភាគហ៊ុននៃទូរទស្សន៍នាពេលអនាគត និងប្រាក់ចំណូលទីផ្សារជាថ្នូរនឹងប្រាក់ដ៏ច្រើនសន្ធឹកសន្ធាប់៕