Wayne Rooney និយាយថា នឹងមានការផ្លាស់ប្តូរមួយចំនួននៅ Birmingham បន្ទាប់ពីបានឃើញក្រុមរបស់បរាជ័យក្នុងការបង្កើតការចាប់អារម្មណ៍ពីសំណាក់ម្ចាស់ភាគហ៊ុនធំថ្មី លោក Tom Brady។
វីរបុរសរបស់បា់ទាត់អាមេរិក NFL លោក Brady ដែលឥឡូវនេះជាអ្នកវិនិយោគនៅ St Andrew’s ស្ថិតក្នុងចំណោមអ្នកដែលចូលរួមក្នុងការប្រកួតនៅតំបន់ West Midlands កាលពីថ្ងៃសៅរ៍។ វាស្ទើរតែមិនមានអ្វីដែលអាចទាក់ទាញចំណាប់អារម្មណ៍របស់ម្ចាស់ភាគហ៊ុននោះឡើយ ខណៈដែលក្រុមរបស់ Rooney បានបញ្ចប់ក្នុងលទ្ធផលស្មើ 0-0 យ៉ាងខកចិត្តក្នុងជំនួបជាមួយ Rotherham។
Rooney បាននិយាយជាមួយនឹង Brady និងក្រុមប្រឹក្សាភិបាលក្លឹប Birmingham ដែលកំពុងរៀបចំធ្វើអ្វីៗគ្រប់យ៉ាងសម្រាប់ពួកគេដើម្បីជួយជ្រើសរើសកីឡាករល្អៗថា “ក្នុងរយៈពេលប្រាំមួយខែខាងមុខនេះ ខ្ញុំសង្ឃឹមថានឹងមានការផ្លាស់ប្តូរ។ យើងចង់នាំកីឡាករចូល ហើយកីឡាករមួយចំនួននឹងចាកចេញពីក្លឹប។ វាសំខាន់ណាស់ដែលយើងមិនដាក់អំណួតលើខ្លួនឯងឡើយ ទោះបីយើងមានកីឡាករល្អច្រើនក៏ដោយ”៕
