Arsenal អាចនឹងបញ្ចប់ការរង់ចាំពាន Premier League កាលពីរដូវកាលមុន ប្រសិនបើពួកគេត្រូវបានគ្រប់គ្រងដោយលោក Unai Emery នេះបើយោងតាមវីរបុរសរបស់កាំភ្លើងធំ Tony Adams។
Arteta មិនអាចប្រើប្រាស់នូវផលចំណេញក្នុងនាមជាក្រុមកំពូលតារាងអស់រយះពេល 248 កំឡុងរដូវកាល 2022-203 ដោយ Arsenal បានចាញ់បីប្រកួត នឹងស្មើបីប្រកួតក្នុងចំណោមការប្រកួត 9 លើកចុងក្រោយនៅចុងរដូវកាល ដែលធ្វើឲ្យ Man City តាមទាន់នឹងឆក់យកតំណែងកំពូលតារាងដើម្បីលើកពាន Premier League បីរដូវកាលជាប់ៗគ្នា។ អតីតកីឡាកររបស់ Arsenal លោក Adams ជឿជាក់ថាបើសិនជារដូវកាលមុន លោក Unai Emery ស្ថិតក្នុងតំណែងគ្រូបង្វឹកវិញ រឿងរ៉ាវអាចនឹងប្រែប្រួល 180 ដឺក្រេ។
អតីតខ្សែការពាររបស់ Arsenal រូបនេះបាននិយាយទៅកាន់ talkSPORT ថា “ឆ្នាំមុន បើសិន Unai Emery ជាគ្រូបង្វឹករបស់យើង នោះយើងពិតជាអាចលើកពានពិតមែន។ ខ្ញុំតែងតែស្រលាញ់ Arteta តែខ្ញុំគិតថាគេមិនសូវមានបទពិសោធន៍ ហើយត្រូវការពឹងពាក់ជំនួយការគ្រូបង្វឹកដែលមានបទពិសោធន៍ជាងគាត់។ គេមិនបានផ្លាស់ប្តូរកីឡាករឲ្យបានសម្រាកគ្រប់គ្រាន់កាលពីដើមរដូវកាលមុន ដោយនេះជាមូលហេតុដែលក្រុមមានភាពអន់ខ្សោយនៅចុងរដូវកាល”៕
