អ្នកចាំទីរបស់ក្លិបបិសាចក្រហម Manchester United កីឡាករ David De Gea បានចេញមុខនិយាយយ៉ាងច្បាស់លាស់ថា Alejandro Garnacho និងមិនត្រូវអនុញ្ញាតឲ្យចាកចេញពីក្លិប Man Utd ទៅកាន់អេស្ប៉ាញនោះទេ។
បន្ទាប់ពីធ្វើបានយ៉ាងល្អជាមួយបិសាចក្រហមមួយរយះចុងក្រោយនេះ ស្រាប់តែលេចលឺដំណឹងថា Garnacho ត្រូវបានក្លិបអធិរាជស Real Madrid ចាប់អារម្មណ៍ចង់បានកីឡាករវ័យ 18ឆ្នាំរូបនេះទៅចូលរួមជាមួយ។ នៅពេលដែលអ្នកសារព៍ត៌មាននិយាយអំពីរឿងនេះ De Gea បានចេញមុខមកបដិសេដយ៉ាងខ្លាំងខ្លា ដោយនិយាយថា “ពួកយើងនិងមិនឲ្យរូបគេចាកចេញនោះទេ”។
គួររំលឹកផងដែរថា Man United កំពុងតែស្ថិតនៅប្រទេសអេស្ប៉ាញដើម្បីធ្វើការប្រកួតកម្តៅសាច់ដុំទល់និងក្រុម Cadiz និង Real Betis ដោយចាញ់ក្រុមអេស្ប៉ាញទាំងពីរប្រកួត។ យ៉ាងណាក្តី ចំណាប់អារម្មណ៍គឺបានធ្លាក់ទៅលើ Alejandro Garnacho ដែលកំពុងតែធ្វើឲ្យលោក Erik ten Hag ពេញចិត្តពេញថ្លើមជាខ្លាំង៕
ប្រភព : GOAL
