Hwang Hee-Chan បានស៊ុតបញ្ចូលទីគ្រាប់ជ័យជម្នះក្នុងអំឡុងពេលដែល Wolves បានទទួលជ័យជម្នះលទ្ធផល 2-1 ទៅលើក្រុមមេឃខៀវ Manchester City ហើយ Wolves បានវាយបកលើលោក Pep Guardiola ដោយសារគាត់ភ្លេចឈ្មោះកីឡាករជនជាតិកូរ៉េរូបនេះ។
Hwang រកបានគ្រាប់ជ័យជម្នះដើម្បីប្រគល់ឱ្យ Man City នូវការចាញ់ជាលើកទីពីរជាប់ៗគ្នា បន្ទាប់ពីពួកគេបានចាញ់កាលពីដើមសប្តាហ៍នេះក្រោមស្នាដៃក្រុម Newcastle United ក្នុងជុំទីបីនៃពានរង្វាន់ Carabao Cup ។ មួយគ្រាប់របស់ខ្សែប្រយុទ្ធកូរ៉េបានជំរុញឱ្យគណនី Twitter របស់ Wolves ដាក់ចំណងជើងការប្រកាសគ្រាប់បាល់របស់ពួកគេ ‘THE KOREAN GUY’ ដោយនេះគឺសំដៅទៅការរិះគន់យ៉ាងខ្លាំងចំពោះលោក Guardiola ដែលបានភ្លេចឈ្មោះ Hwang Hee-Chan អំឡុងពេលសន្និសីទសារព័ត៌មានមុនការប្រកួត ហើយបានហៅគាត់ថា “បុរសកូរ៉េម្នាក់នោះ”។
Man City បានទទួលការចាញ់ជាលើកដំបូងរបស់ពួកគេនៅក្នុងក្របខ័ណ្ឌ Premier League នៅរដូវកាលនេះ មុនពេលការប្រកួតលីកដ៏សំខាន់របស់ពួកគេជាមួយនឹងក្រុម Arsenal ។ វានឹងក្លាយជាសមរភូមិរវាងក្រុមកំពូលទាំងពីរកាលពីរដូវកាលមុនក្នុងលីក ខណៈដែល Man City បានផ្តួលក្រុម Arsenal ដើម្បីលើកពានលីកកាលពីរដូវកាល 2022-2023។ Wolves នឹងមានសកម្មភាពនៅចុងសប្តាហ៍ក្រោយក្នុងលីគនៅពេលដែលពួកគេធ្វើជាម្ចាស់ផ្ទះសម្រាប់ក្រុម Aston Villa ខណៈដែល City នឹងធ្វើដំណើរទៅប្រទេសអាឡឺម៉ង់សម្រាប់ការប្រកួត Champions League ពាក់កណ្តាលសប្តាហ៍របស់ពួកគេជាមួយ RB Leipzig៕
