James Maddison មិនចង់ទទួលមរតកអាវលេខ 10 របស់ Tottenham បន្ទាប់ពីការចាកចេញរបស់ Harry Kane នោះឡើយ ប៉ុន្តែបានពន្យល់ពីមូលហេតុដែលគាត់បានពាក់វានៅពេលនេះ។
កីឡាករជម្រើសជាតិអង់គ្លេសរូបនេះបានបញ្ចប់ការផ្ទេរក្នុងតម្លៃ 40 លានផោន ទៅកាន់ Spurs ពី Leicester ក្នុងអំឡុងពេលទីផ្សារដោះដូរកីឡាកររដូវក្តៅឆ្នាំ 2023 ។ គាត់បានជួបជុំក្នុងរយៈពេលខ្លីជាមួយមិត្តរួមក្រុមជម្រើសជាតិកីឡាករ Kane នៅភាគខាងជើងទីក្រុងឡុងដ៍ ប៉ុន្តែអ្នកស៊ុតបញ្ចូលទីដ៏អស្ចារ្យបំផុតម្នាក់នៅក្នុងក្លឹបបែរជាបានចាកចេញទៅកាន់ក្លឹបយក្សនៅ Bundesliga Bayern Munich ទៅវិញ។
Maddison ត្រូវបានគេប្រគល់ឱ្យលេខ 71 កំឡុងពេលមុនបើករដូវកាលដំបូងរបស់គាត់ ប៉ុន្តែនៅទីបំផុតគាត់បានទទួលអាវលេខ 10 បន្ទាប់ពីការផ្ទេររបស់ Kane ទៅកាន់ប្រទេសអាល្លឺម៉ង់ ដោយកីឡាករវ័យ 26 ឆ្នាំរូបនេះបានស្ទាក់ស្ទើរទទួលយក។ Maddison បាននិយាយអំពីការពាក់អាវធំមួយថា “ខ្ញុំមិនចង់ពាក់អាវលេខ 10 និយាយដោយស្មោះត្រង់។ ខ្ញុំមិនចង់ឱ្យ Harry ចាកចេញទេ ប៉ុន្តែពេលគាត់ចាកចេញ ហើយអាវលេខ 10 ទំនេរ ក្លឹបក៏បានសួរខ្ញុំ ខ្ញុំក៏សម្រេចទទួលយកតែម្តងទៅ ព្រោះវាក៏ជាលេខដែលខ្ញុំធ្លាប់ប្រើប្រាស់មួយដែរ”៕
