Declan Rice បាននិយាយថា គាត់មានការខ្មាសអៀនចំពោះក្តីស្រលាញ់ទាំងអស់ដែលគាត់ទទួលបានពីអ្នកគាំទ្រក្រុម Arsenal បន្ទាប់ពីស៊ុតបាល់បញ្ចូលទីមួយគ្រាប់ចុងម៉ោងក្នុងការប្រកួតទល់នឹងក្រុម Manchester United ។
Rice បានស៊ុតបញ្ចូលទីគ្រាប់ដំបូងរបស់គាត់សម្រាប់ក្រុម Arsenal ខណៈដែល Arsenal បានវាយបកពីក្រោយដើម្បីផ្តួលក្រុម United ក្នុងលទ្ធផល 3-1 ក្នុងការប្រកួតក្របខ័ណ្ឌ Premier League កាលពីពេលកន្លងទៅ។ ក្រោយចប់ការប្រកួត អ្នកគាំទ្របានបង្ហាញកីឡាករចំណូលថ្មីរបស់ក្លឹបនូវក្តីស្រលាញ់ ដែលធ្វើឱ្យកីឡាករមានភាពអៀនខ្មាស់ជាខ្លាំង។
ថ្លែងទៅកាន់ Sky Sports អតីតខ្សែបម្រើរបស់ West Ham រូបនេះបាននិយាយថា “វាល្អណាស់ ក្នុងនាមខ្ញុំជាមនុស្ស ខ្ញុំមានអារម្មណ៍ខ្មាស់អៀនបន្តិច ប៉ុន្តែខ្ញុំពិតជាពេញចិត្តចំពោះសេចក្តីស្រឡាញ់ដែលពួកគេបានបង្ហាញខ្ញុំកន្លងមក។ ខ្ញុំគ្រាន់តែព្យាយាម និងរីករាយជាមួយខ្លួនឯង។ ខ្ញុំបានចាប់ផ្តើមជីវិតនៅ Arsenal បានយ៉ាងល្អ ប៉ុន្តែខ្ញុំមានរឿងជាច្រើនទៀតដែលខ្ញុំអាចធ្វើបាន”៕
