វីរកីឡាកររបស់ប្រេស៊ីល Ronaldo Nazario បានធ្វើការផ្ញើរការគាំទ្រទៅដល់កីឡាករ Gabriel Jesus ក្រោយរូបគេបានរងរបួសជង្គង់ក្នុងកំឡុងព្រឹត្តិការណ៍ World Cup។
និយាយឲ្យដឹងនៅក្នុងបណ្តាញសង្គម Instagram អតីតកីឡាករក្រុមជម្រើសជាតិប្រេស៊ីលបាននិយាយថា “យើងមិនអាចគ្រប់គ្រងអ្វីដែលអ្នកដទៃនិយាយបានតេ ប៉ុន្តែយើងអាចស្តាប់តែអ្វីដែលល្អសម្រាប់យើង។ Gabriel Jesus អ្នកបានធ្វើរឿងមិនគួរឲ្យជឿមួយ។ គេចាកចេញពី Peri Garden ដើម្បីទៅគ្រប់គ្រងពិភពលោក។ គេឈ្នះពានជាច្រើន ដូចជា Copa America និងមេដាយមាសសម្រាប់ប្រេស៊ីលក្នុងព្រឹត្តិការណ៍ Olympics ផងដែរ”។
គួររំលឹកផងដែរថា ខ្សែប្រយុទ្ធវ័យក្មេងរបស់ក្រុមកាំភ្លើងធំ Arsenal បានចាប់ផ្តើមដំណាក់កាលសម្រាកព្យាបាលក្រោយវះកាត់បានជោគជ័យកាលពីពេលថ្មីៗ។ អ្នកគាំទ្ររូបគេជាច្រើន រួមទាំង Ronaldo Nazario ផងនោះក៏បានរំពឹងថារូបគេអាចចូលមកលេងវិញឆាប់ៗ ក្រោយកំពុងតែជួយឲ្យ Arsenal ឈរលើកំពូលតារាងក្របខ័ណ្ឌ English Premier League ជាមួយការស៊ុតចូល5គ្រាប់ និងបញ្ជូនឲ្យដៃគូស៊ុតចូល6ដងផងនោះ៕
ប្រភព : GOAL
