Paris Saint-Germain បានសម្រេចនូវកិច្ចព្រមព្រៀងនាំយកកីឡាករវ័យជំទង់ Bradley Barcola មកក្លឹបរបស់ខ្លួន បន្ទាប់ពីកិច្ចព្រមព្រៀងតម្លៃ 45 លានអឺរ៉ូត្រូវបានយល់ព្រមជាមួយ Lyon ។
ខ្សែប្រយុទ្ធស្លាបវ័យ 20 ឆ្នាំរូបនេះគ្រោងនឹងចូលរួមជាមួយ PSG ក្នុងកិច្ចព្រមព្រៀង 45 លានអឺរ៉ូ នេះបើយោងតាមអ្នកជំនាញការផ្ទេរកីឡាករ Fabrizio Romano។ Barcola នឹងជំនួសតារាឆ្នើមប្រេស៊ីល Neymar បន្ទាប់ពីផ្ទេរទៅ Al-Hilal ក្នុងប្រទេសអារ៉ាប៊ីសាអូឌីតនៅដើមខែនេះ។ Barcola បានស៊ុតបាល់បញ្ចូលទីចំនួន 7 គ្រាប់ និងបញ្ជូនបាល់ឱ្យមិត្តរួមក្រុមចំនួន 10 បន្ថែមទៀតសម្រាប់ក្រុម Lyon ក្នុងការប្រកួតទាំងអស់កាលពីរដូវកាលមុន។
បន្ទាប់ពីបានបាត់បង់កីឡាករល្បីៗ ជាច្រើនក្នុងរដូវក្តៅនេះក្រោមការគ្រប់គ្រងពេញលេញរបស់ Luis Enrique ពេលនេះ Marco Verrati, Georginio Wijnaldum និង Hugo Ekitike ក៏មើលទៅរៀបចំដើម្បីស្វែងរកក្លឹបថ្មីមុនពេលកំណត់នៃការផ្ទេរនាពេលខាងមុខផងដែរ។ Barcola នឹងចូលរួមជាមួយ Goncalo Ramos, Marco Asensio, Manuel Ugarte, Ousmane Dembele និង Lucas Hernandez ក្នុងនាមជាកីឡាករដែលទើបមកដល់ថ្មីនៅកីឡដ្ឋាន Parc des Princes សម្រាប់រដូវកាល 2023-2024៕
