ក្លឹប Manchester United បានដាក់សំណើរទិញខ្សែការពារ Marc Cucurella ក្នុងលក្ខខ័ណ្ឌខ្ចីជើងពីតោខៀវ Chelsea។
ក្រុមនៅកីឡដ្ឋាន Stamford Bridge បានឆ្លើយតបទៅនឹងគូប្រជែងក្នុងលីកកំពូល Premier League របស់ខ្លួន ហើយការពិភាក្សារវាងក្លឹបទាំងពីរកំពុងបន្តយ៉ាងរលូន។ ការផ្តល់ជូនរបស់ Man United គឺជាការខ្ចីជើងប៉ុណ្ណោះ ហើយក្លឹបទាំងពិរនឹងចរចារបន្ថែមក្នុងករណីដាក់ចូលជម្រើសទិញផ្តាច់ នឹងលក្ខខណ្ឌផ្សេងៗក្នុងកុងត្រាដែលអាចនឹងបញ្ចប់មុនបិទទ្វារទីផ្សារកីឡាករ។
ការនាំយក Cucurella អាចជាជម្រើសដ៏ល្អមួយសម្រាប់ Manchester United ជាពិសេសក្រោយខ្សែការពារស្លាបឆ្វេងទាំងពីររបស់ខ្លួនរួមមាន Luke Shaw នឹង Tyrell Malacia សុទ្ធសឹងកំពុងរាតត្បាតដោយរបួស។ មិនតែប៉ុណ្ណោះ ខ្សែការពារសញ្ជាតិអេស្ប៉ាញរូបនេះក៏ធ្លាប់មានបទពិសោធន៍ជាច្រើននៅក្នុងបាល់ទាត់អង់គ្លេស ដោយរូបគេធ្លាប់លេងឲ្យក្រុម Brighton មុនចាកចេញមក Chelsea រដូវកាលមុន៕
