Dominik Szoboszlai បានពន្យល់ពីអ្វីដែលគាត់ចង់សម្រេចបាននៅកីឡដ្ឋាន Anfield ក្នុងរដូវកាលនេះជាមួយ Liverpool ខណៈពេលដែលគាត់ក៏ផ្តល់ការយល់ដឹងអំពីមិត្តភាពរបស់គាត់ជាមួយ Erling Haaland ផងដែរ។
កីឡាករវ័យ 22 ឆ្នាំរូបនេះបានបង្កើតជាការចាប់អារម្មណ៍លើការបង្ហាញខ្លួនដំបូងនៅ Anfield ជាលើកដំបូងរបស់គាត់ជាមួយនឹងក្រុម Bournemouth កាលពីសប្តាហ៍មុន ដោយបានបង្ហាញពីក្តីស្រឡាញ់ចំពោះ Liverpool ដ៏ស្មោះត្រង់តាំងពីមុនចាប់ផ្តើមការប្រកួត។ មុនដំណើររបស់ហង្សក្រហមទៅកាន់ Newcastle នៅពេលដ៏ខ្លីខាងមុខ ខ្សែបម្រើរូបនេះបានបង្ហាញពីអ្វីដែលគាត់ចង់សម្រេចបានក្នុងរដូវកាលដំបូងរបស់គាត់នៅលើទឹកដី Merseyside ហើយគាត់ពិតជាបានកំណត់គោលដៅខ្ពស់មួយចំនួន។ ថ្លែងទៅកាន់ Liverpool Echo កីឡាករសញ្ជាតិហុងគ្រីរូបនេះបាននិយាយថា “យើងមានការប្រកួតជាច្រើន ហើយ Manchester City ក៏មានការប្រកួតជាច្រើន ហើយយើងត្រូវលេងជាមួយពួកគេផងដែរ។ ខ្ញុំគិតថាអ្នកគ្រប់គ្នានៅក្នុង Premier League មានឱកាសឈ្នះស្មើៗគ្នា។ ខ្ញុំចូលចិត្តឈ្នះ ខ្ញុំចូលចិត្តធ្វើអ្វីគ្រប់យ៉ាងដើម្បីក្រុម។ ប្រសិនបើពួកគេសួរខ្ញុំថាតើខ្ញុំចង់ឈ្នះ Premier League មែនទេ ខ្ញុំនឹងឆ្លើយថាខ្ញុំចង់ឈ្នះវា។ ខ្ញុំក៏ចង់ឈ្នះពាន Europa League និង FA Cup ដូចគ្នាដែរនៅឆ្នាំនេះ”។
គាត់ក៏បាននិយាយអំពីមិត្តភាពរបស់គាត់ជាមួយនឹងខ្សែប្រយុទ្ធដ៏ឆ្នើមរបស់ Manchester City កីឡាករ Erling Haaland ថា “គាត់ប្រហែលជារស់នៅពីរផ្ទះនៅជិតខ្ញុំ។ យើងឧស្សាហ៍និយាយជាមួយគ្នា ហើយយើងក៏ធ្លាប់ហ្វឹកហាត់ជាមួយគ្នាម្តងដែរ កាលរូបគេទៅលេងនៅប្រទេសក្រិកក្នុងការប្រកួត UEFA Super Cup”៕
