Bernardo Silva ស្ទើរតែអាចចាកចេញពី Manchester City នៅរដូវក្តៅនេះ ប៉ុន្តែទីបំផុតគាត់បានសម្រេចចិត្តចុះកុងត្រារយៈពេល 3 ឆ្នាំជាមួយក្លឹបទៅវិញ។
PSG បានវិវត្តយ៉ាងលឿនជុំវិញទំនាក់ទំនងជាមួយ Man City ហើយកំពុងស្ថិតក្នុងការពិភាក្សាកម្រិតខ្ពស់ជាមួយក្លឹប ហើយភាគីពាក់ព័ន្ធទាំងអស់បានយល់ព្រមលើការផ្ទេរនេះទៅហើយបើយោងតាម Le Parisien ប៉ុន្តែចុងក្រោយ Bernardo Silva បានក្លាយជាកីឡាករមួយដែល Pep Guardiola គ្មានគម្រោងលក់ចេញទៅវិញ។
ទីប្រឹក្សាជាន់ខ្ពស់របស់ក្លឹប PSG លោក Luis Campos បានជួបជាមួយនាយកបច្ចេកទេសរបស់ Man City លោក Txiki Begiristain និងអ្នកចាត់ការ Pep Guardiola បីដងក្នុងរដូវក្តៅ ដើម្បីបញ្ចប់ការផ្លាស់ប្តូរមួយនេះ។ ទោះបីជាយ៉ាងណាក៏ដោយ នៅពេលដែលការផ្ទេររបស់ Riyad Mahrez ទៅកាន់ក្រុម Al-Ahli របស់ Saudi Pro League បានកើតឡើងនោះ លោក Guardiola ភ្លាមៗបានបដិសេធការផ្ទេរនេះ ហើយកិច្ចព្រមព្រៀងនេះត្រូវបានបិទចោលភ្លាមៗ ដោយអះអាងថា Bernardo Silva នឹងមិនចាកចេញពីក្លឹបឡើយ ទោះស្ថិតក្រោមស្ថានភាពបែបណាក៏ដោយ៕
