Mikel Arteta សារភាពថាខ្លួនមិនមានតម្រុយច្បាស់លាស់ ថាតើនរណាជាអ្នកស៊ុតបាល់ប៉េណាល់ទីរបស់ Arsenal នោះឡើយបន្ទាប់ពីបានឃើញ Martin Odegaard ជាអ្នករ៉ាប់រងបាល់ពិន័យ 11 ម៉ែត្រទល់នឹង Crystal Palace ។
ក្រុមកាំភ្លើងធំបានឈានទៅរកការទទួលជ័យជម្នះ 1-0 លើគូប្រជែងក្នុងទីក្រុងឡុងដ៍ Crystal Palace នៅកីឡដ្ឋាន Selhurst Park ដោយការស៊ុតបញ្ចូលទីពីប្រធានក្លឹបរបស់ពួកគេ។ Odegaard បានសម្រេចគ្រាប់បាល់ដោយការទាត់បាល់ពិន័យ 11 ម៉ែត្រក្រោយកីឡាករ Eddie Nketiah បានដួលដោយកំហុសរបស់ Sam Johnstone។
Bukayo Saka តែងតែជាជម្រើសសម្រាប់ Arsenal នៅពេលរ៉ាប់រងបាល់ពិន័យ ប៉ុន្តែខ្សែបម្រើស្លាបអន្តរជាតិអង់គ្លេសរូបនេះបែរជាអនុញ្ញាតឱ្យប្រធានក្រុមរបស់គាត់ចូលជំនួសវិញ។ នោះមិនមែនជាការសម្រេចចិត្តដែល Arteta នោះឡើយ ដោយលោកបាននិយាយថា “ខ្ញុំគ្មានតម្រុយទេ វាជារឿងពាក់ព័ន្ធនឹងការដឹកនាំរបស់កីឡាករ ហើយប្រសិនបើពួកគេយល់ថាវាជារឿងត្រឹមត្រូវសម្រាប់ខ្ញុំ ខ្ញុំមិនអីទេ។ ពួកគេត្រូវតែធ្វើការសម្រេចចិត្តទាំងនោះនៅលើទីលាន។ ខ្ញុំមានការភ្ញាក់ផ្អើលដូចអ្នករាល់គ្នា ប៉ុន្តែគាត់បានស៊ុតបាល់បញ្ចូលទីដែលជារឿងសំខាន់ ហើយយើងបានឈ្នះការប្រកួត”៕
