Mohamed Salah សម្រេចបាននូវចំណុចសំខាន់មួយទៀតក្នុងអាជីពជាកីឡាករ Liverpool របស់គាត់ ខណៈដែលគាត់បានឆ្លផុតកំណត់ត្រាគ្រាប់បាល់របស់ Steven Gerrard សម្រាប់ក្លឹបហង្សក្រហម។
កីឡាករសញ្ជាតិអេហ្ស៊ីបបានវ៉ាដាច់អតីតប្រធានក្រុម និងជាវីរបុរសក្លឹប លោក Steven Gerrard ក្នុងបញ្ជីគ្រាប់បាល់ស៊ុតបញ្ចូលទីច្រើនជាងគេសម្រាប់ Liverpool ក្នុងការប្រកួតទាំងអស់ នៅពេលដែលគាត់បានស៊ុតបញ្ចូលទីគ្រាប់ទី 187 របស់គាត់ទល់នឹងក្រុម Bournemouth កាលពីថ្ងៃសៅរ៍កន្លងទៅ។ ដំបូងឡើយ Salah បានខកខានស៊ុតមិនចូលបាល់ពិន័យ 11 ម៉ែត្រ ប៉ុន្តែនៅទីបំផុតអាចរកគ្រាប់បាល់បានពីការរត់ទៅបន្ថែមនៅមុខទីភ្លាមៗ។
វីរបុរសក្លឹបលោក Ian Rush ឈរនៅលើកំពូលតារាងនៃគ្រាប់បាល់ស៊ុតបញ្ចូលទីច្រើនជាងគេសម្រាប់ក្រុមហង្សក្រហមជាមួយនឹងគ្រាប់បាល់ចំនួន 346 គ្រាប់ក្នុង 660 ប្រកួត។ គាត់ត្រូវបានតាមពីក្រោយដោយ Roger Hunt, Gordon Hodgson និង Billy Liddell ដែលមាន 285, 241 និង 228 រៀងៗខ្លួន។ Salah ឥឡូវនេះគឺជាអ្នកស៊ុតបញ្ចូលទីច្រើនជាងគេបំផុតទី 5 របស់ក្លឹបគ្រប់ការប្រកួតទាំងអស់ ក្រោយការបង្ហាញខ្លួនបាន 307 ប្រកួត៕
