Kylian Mbappe ត្រូវបានគេព្រមានថា Real Madrid នឹងផ្លាស់ប្តូរចំណាប់អារម្មណ៍ទៅកាន់ Erling Haaland វិញប្រសិនបើខ្សែប្រយុទ្ធបារាំងនៅតែចង់បន្តកុងត្រាជាមួយ Paris Saint-Germain ទៀត។
ខ្សែប្រយុទ្ធសញ្ជាតិបារាំងត្រូវបានដាក់ឲ្យចូលក្រុមដំបូងវិញហើយបន្ទាប់ពីបានពិភាក្សាក្នុងន័យស្ថាបនាជាមួយប្រធានក្លឹប PSG លោក Nasser Al-Khelaifi។ ទោះបីជាយ៉ាងណាក៏ដោយ បើយោងតាមរបាយការណ៍ មិនទាន់មានការពិភាក្សាអំពីការពន្យារកុងត្រាថ្មីនោះទេ ហើយកីឡាកររូបនេះសុខចិត្តលះបង់ប្រាក់រង្វាន់របស់គាត់ ដើម្បីដើរចេញដោយឥតគិតថ្លៃនៅរដូវក្តៅក្រោយ។ វីរបុរសរបស់ក្លឹប Real Madrid លោក Guti បានព្រមានថា Real Madrid នឹងបោះបង់ចោលការស្វែងរកខ្សែប្រយុទ្ធរបស់ PSG ហើយជំនួសមកវិញដោយផ្តោតលើតារាឆ្នើមរបស់ក្រុម Manchester City គឺ Haaland ។
Guti បានប្រាប់ El Chiringuito ថា “ខ្ញុំចង់ឱ្យ Mbappe លេងឱ្យ Real Madrid ប៉ុន្តែប្រសិនបើ Mbappe បន្តកុងត្រារបស់គាត់ជាមួយ PSG វានឹងបង្ហាញថាគាត់កំពុងធ្វើសកម្មភាពគ្រប់យ៉ាងដើម្បីប្រាក់។ ប្រសិនបើរឿងនោះកើតឡើងមែន Real Madrid នឹងត្រូវជ្រើសរើស Erling Haaland ជាអ្នកជំនួស”៕
