អ្នកចាត់ការទូទៅរបស់ក្រុមអធិរាជស Real Madrid លោក Carlo Ancelotti បានចេញមកទទួលស្គាល់ថាគាត់ពិតជាមានភាពភ្ញាក់ផ្អើលជាខ្លាំង ចំពោះការបង្ហាញខ្លួនរបស់កីឡាករចំណូលថ្មី Jude Bellingham នៅលីកកំពូលអេស្ប៉ាញ La Liga។
ក្នុងការបង្ហាញខ្លួនដ៏អស្ចារ្យសម្រាប់ Real Madrid កីឡាករដែលក្លឹបបាននាំចូលនៅរដូវក្តៅ Jude Bellingham បានបង្ហាញពីជំនាញដ៏ពិសេសរបស់គាត់ ហើយថែមទាំងបានបានស៊ុតបាល់បញ្ចូលទីពីបាល់ជ្រុងទល់នឹង Athletic Club ថែមទៀតផង។
ថ្លែងឲ្យដឹងក្រោយចប់ការប្រកួត លោក Ancelotti បាននិយាយថា “គេពិតជាឆ្លាតវៃណាស់។ គេអាចសម្របខ្លួនចូលទម្រង់លេងរបស់ក្រុមបានយ៉ាងលឿន ដោយមើលទៅគឺដូចជាគេនៅជាមួយយើងយូរណាស់ហើយអញ្ចឹង”៕
