វីរបុរសបាល់ទាត់អាមេរិក NFL លោក Tom Brady បានបង្ហើបថា ការផ្ទេររបស់ Harry Kane ទៅកាន់ក្លឹប Bayern Munich បានបំផ្លាញផែនការរបស់គាត់ក្នុងការជួបជាមួយប្រធានក្រុមជម្រើសជាតិអង់គ្លេសនៅប៉ុន្មានថ្ងៃខាងមុខនេះ។
Brady បាននិយាយទៅកាន់ Sky Sports News ថា “Harry គឺជាមិត្តរបស់ខ្ញុំមួយរយៈមកហើយ។ ពួកយើងគួរតែជួបគ្នានៅព្រឹកថ្ងៃច័ន្ទ ហើយបន្ទាប់មកផែនការបានផ្លាស់ប្តូរយ៉ាងឆាប់រហ័ស។ ប៉ុន្តែខ្ញុំរំភើបខ្លាំងណាស់សម្រាប់គាត់។ គាត់គឺជាផ្នែកនៃក្លឹបដ៏អស្ចារ្យមួយនៅ Tottenham ហើយគាត់នឹងផ្លាស់ទៅក្លឹបដ៏អស្ចារ្យមួយផ្សេងទៀត។ ហើយខ្ញុំគិតថាគាត់ចង់ប្រកួតប្រជែងនៅ Champions League ហើយគាត់នឹងមានឱកាសធ្វើវាទាល់តែបានសម្រេច”។
Kane និង Brady ហាក់បីដូចជាមិត្តភាពដែលមិនទំនង ប៉ុន្តែអ្នកទាំងពីរបានជជែកគ្នាដំបូង ដោយសារតែអតីតខ្សែប្រយុទ្ធ Spurs ស្រលាញ់កីឡាបាល់ទាត់អាមេរិក ដែលនាំឱ្យមានការសន្ទនាខ្លះនៅលើបណ្តាញសង្គម Instagram ។ ការផ្លាស់ប្តូររបស់ប្រធានក្រុមអង់គ្លេសទៅកាន់ប្រទេសអាឡឺម៉ង់អាចរារាំងអ្នកទាំងពីរពីការជួបគ្នាដោយផ្ទាល់ក្នុងឱកាសនេះ ប៉ុន្តែនៅពេលណាមួយខាងមុខ អ្នកទាំងពីរច្បាស់ជាធ្វើការណាត់ជួបគ្នាម្តងទៀតជាក់ជាពុំខាន៕
