Jordan Henderson បានទទូចថាគ្មានហេតុផលដែលគាត់មិនអាចបន្តលេងឱ្យក្រុមជម្រើសជាតិអង់គ្លេសបានទេ បើទោះបីជារូបគេបានផ្លាស់ទៅ Al-Ettifaq ពីក្រុមហង្សក្រហម Liverpool ក៏ដោយ។
ទោះបីជាការផ្លាស់ប្តូរចេញពីលីកបាល់ទាត់នៅអឺរ៉ុបក៏ដោយ Henderson បានទទួលការធានាពី Gareth Southgate ថាឱកាសរបស់គាត់ក្នុងការតំណាងឱ្យប្រទេសអង់គ្លេសនៅតែមានដដែល។ កីឡាករវ័យ 33 ឆ្នាំរូបនេះផ្តោតទៅលើការផ្តល់ឱ្យអស់ពីសមត្ថភាពរបស់គាត់សម្រាប់ក្រុមនៅ Saudi Pro League ហើយជឿជាក់ថាទម្រង់លេងរបស់គាត់នឹងក្លាយជាកត្តាចុងក្រោយដែលនឹងសម្រេចការហៅចូលក្រុមជម្រើសជាតិរបស់គាត់។
អតីតប្រធានក្រុម Liverpool រូបនេះបាននិយាយក្នុងកិច្ចសម្ភាសន៍នាពេលថ្មីៗនេះថា “ខ្ញុំផ្តោតលើការលេងឱ្យ Ettifaq ឱ្យអស់ពីសមត្ថភាព។ ប្រសិនបើខ្ញុំធ្វើវាបាននោះ វាគ្មានហេតុផលដែលខ្ញុំមិនអាចលេងឱ្យក្រុមអង់គ្លេសបានទេ។ ជាក់ស្តែង យើងបាននិយាយកាលពីប៉ុន្មានសប្តាហ៍មុនអំពីវា ពីព្រោះការលេងឱ្យក្រុមអង់គ្លេសមានន័យណាស់សម្រាប់ខ្ញុំ ហើយខ្ញុំមានអារម្មណ៍ថាខ្ញុំនៅតែអាចនាំយកគុណភាពច្រើនដល់ក្រុមដូចដែលខ្ញុំមាននៅក្នុងប៉ុន្មានប្រកួតចុងក្រោយក្នុង World Cup”៕
