ទោះបីជាគ្រូបង្វឹក Jose Mourinho ដែលមានរហស្សនាមថា “Special One” ត្រូវបានផ្សារភ្ជាប់ជាមួយនឹងការចាកចេញពីទ្វីបអឺរ៉ុបនៅរដូវក្តៅខាងមុខ សាមីខ្លួនផ្ទាល់បានបដិសេដថាខ្លួននឹងមិនទៅណានោះឡើយ ដោយបន្តក្នុងនាមជាគ្រូបង្វឹករបស់ Roma ទៅមុខទៀត។
Mourinho បានបង្ហើបថាលោកបានបដិសេធសំណើមហាសាលចំនួនពីរពីអារ៉ាប៊ីសាអូឌីតដើម្បីបន្តដឹកនាំ Roma។ រដូវក្តៅនេះត្រូវបានគេមើលឃើញថាមានកីឡាករធំៗជាច្រើនបានល្បួងឱ្យទៅ Saudi Pro League ប៉ុន្តែលោក Mourinho បានសម្រេចប្តេជ្ញាអនាគតរបស់គាត់ជាមួយក្រុមនៅអ៊ីតាលីបន្តទៀត។
ប្រាប់ទៅកាន់ Corriere dello Sport លោក Mourinho បានទម្លាយការពិតឲ្យដឹងថា “មុននឹងឈានចូលកិច្ចសម្ភាសន៍ ខ្ញុំបានប្រាប់ម្ចាស់ក្លឹបនៅអារ៉ាប៊ីសាអូឌីត រួមមាន Al-Hilal នឹង Al-Ahli រួចហើយថាខ្ញុំគ្មានចេតនាចង់ទទួលសំណើរទាំងនោះទេ”៕
