អតីតកំពូលខ្សែប្រយុទ្ធរបស់ក្លឹបមាន់ខ្នាយមាស Tottenham Hotspur លោក Gary Lineker បានបង្ខំឲ្យ Harry Kane ចាកចេញពីក្លឹបនៅរដូវក្តោនេះ ដោយបានដាក់ Bayern Munich ជាកន្លែងដ៏សាកសមបំផុតសម្រាប់រូបគេ។
ខ្សែប្រយុទ្ធវ័យ 30 ឆ្នាំរូបនេះមិនទាន់អាចឈ្នះពានរង្វាន់ធំក្នុងអាជីពរបស់ខ្លួននៅឡើយទេ បើទោះបីជាស៊ុតបញ្ចូលទីបានច្រើនគ្រាប់សម្រាប់ Spurs ប៉ុណ្ណាក៏ដោយ។ Bayern Munich បានព្យាយាមចុះហត្ថលេខាលើគាត់ពេញមួយរដូវក្តៅ ហើយស្របពេលដែលកិច្ចសន្យារបស់ Kane នឹងផុតកំណត់នៅរដូវក្តៅក្រោយ ប្រធានក្លឹប Spurs លោក Daniel Levy ប្រហែលជាត្រូវបង្ខំចិត្តលក់កីឡាករដ៏មានតម្លៃរបស់គាត់ក្នុងរដូវកាលនេះ ដើម្បីជៀសវាងការបាត់បង់គាត់ដោយទទេនាពេលខាងមុខ ដោយនេះជាអ្វីដែល Lineker គិតថាគួរតែកើតឡើង។
ក្នុងកិច្ចសម្ភាសន៍ជាមួយកាសែត The Sun លោក Lineker បាននិយាយថា “ខ្ញុំគិតថា Harry នឹងចាកចេញពី Tottenham ហើយនេះជារឿងដែលគេគួរតែធ្វើ។ ពេលវេលានេះគឺសាកសមបំផុត ហើយក្លឹបដែលសាកសមបំផុតសម្រាប់ Kane ក៏បានមកដល់ដែរ។ Munich ជាទីក្រុងដ៏ល្អមួយ ហើយក្លឹប Bayern ជាក្លឹបធំមួយក្នុងចំណោមក្លឹបធំបំផុតក្នុងលោក។ សម្រាប់ខ្ញុំ វាជាការសម្រេចចិត្តល្អសម្រាប់ Spurs ក្នុងការលក់ត្រឹមតម្លៃ 80លាន រឺ100លានផោន ចៀសវាងការបាត់បង់គេនៅរដូវកាលក្រោយដោយមិនបានសូម្បីតែមួយកាក់ មួយសេន”៕
