Willian ត្រូវបានគេរាយការណ៍ថាបានយល់ព្រមក្នុងការចូលរួមជាមួយក្លឹប Al-Shabab បើទោះបីជារូបគេទើបតែបានចុះហត្ថលេខាលើការបន្តកុងត្រារបស់ក្លឹ Fulham ត្រឹមតែពីរសប្តាហ៍មុនក៏ដោយ។
នៅថ្ងៃទី 17 ខែកក្កដាដែលខ្សែប្រយុទ្ធស្លាបសញ្ជាតិប្រេស៊ីលបានយល់ព្រមចុះកិច្ចសន្យាថ្មីនៅកីឡដ្ឋាន Craven Cottage ដែលនឹងរក្សាគាត់នៅក្លឹបរហូតដល់រដូវក្តៅក្រោយ។ ទោះបីជាយ៉ាងណាក៏ដោយ យោងតាម The Telegraph គាត់ត្រូវបានទាក់ទងដោយក្លឹប Al-Shabab ជាមួយនឹងតម្លៃទ្វេដងដែលគាត់កំពុងរកបាននៅក្នុងប្រទេសអង់គ្លេស ដោយរំពឹងការផ្តល់ជូនបែបនេះអាចនឹងទាក់ទាញ Willian ឱ្យផ្លាស់មកកាន់ទ្វីបអាស៊ី។
បន្ទាប់ពីរដូវកាលមុនដ៏គួរឱ្យចាប់អារម្មណ៍ ដែលគាត់រកបាន 5 គ្រាប់ និងបញ្ជូនឲ្យដៃគូ 6 ដង Fulham មិនមានបំណងចង់លក់កីឡាកររូបនេះទេ ហើយនឹងទាមទារថ្លៃផ្ទេរយ៉ាងខ្ពស់ប្រសិនបើកីឡាករវ័យ 34 ឆ្នាំរូបនេះមានបំណងចាកចេញពីក្លឹបនៅ Premier League ពិតមែន៕
