ក្រុមអ្នកមានបុណ្យ FC Barcelona បានត្រៀមខ្លួនរួចជាស្រេចសម្រាប់ការតាមយកកីឡាករ Joao Cancelo របស់ក្លឹប Manchester City ជាលើកចុងក្រោយ ស្របពេលដែលក្លឹបបានរកផ្លូវក្រោយទុករួចជាស្រេច។
ក្លឹបយក្សកាតាឡានដែលបានដេញតាម Cancelo អស់រយៈពេលជាយូរនឹងធ្វើការព្យាយាមចុងក្រោយដើម្បីចុះហត្ថលេខាលើគាត់ពី Manchester City ប៉ុន្តែក្នុងករណីដែលពួកគេបរាជ័យក្នុងការផ្ទេរយកតារាសញ្ជាតិព័រទុយហ្គាល់ នោះពួកគេគ្រោងនឹងងាកមកមើលកីឡាករ Ivan Fresneda ជាខ្សែការពារជំនួសវិញ នេះបើយោងតាម Fabrizio Romano។
ម្ចាស់ពាន La Liga គ្រោងប្រើប្រាស់ថវិកាដែលខ្លួនបានមកពីការលក់ Ousmane Dembele ទៅក្រុម Paris Saint-Germain ដើម្បីជាដើមទុនសម្រាប់ Cancelo។ ទោះជាយ៉ាងណាក៏ដោយ ការនាំយក Joao Cancelo អាចជារឿងដែលលំបាកមួយ ក្រោមមូលហេតុដែលរូបគេស្ថិតក្រោមផែនការណ៍របស់គ្រូបង្វឹក លោក Pep Guardiola សម្រាប់រដូវកាលក្រោយ បន្ទាប់ពីធ្វើបានយ៉ាងល្អសម្រាប់ការប្រកួតមិត្តភាពកម្តៅសាច់ដុំមុនបើករដូវកាលថ្មី៕
