ក្លឹប Lorient នៃលីកកំពូលបារាំង Ligue 1 បានចុះហត្ថលេខាលើអតីតខ្សែការពារក្រុម Manchester City កីឡាករ Benjamin Mendy ក្នុងនាមជាកីឡាករគ្មានក្លឹបលេង បន្ទាប់ពីគាត់ត្រូវបានគេរកឃើញថាមិនមានទោសពីបទរំលោភសេពសន្ថវៈ។
Mendy ត្រូវបានជម្រះពីការចាប់រំលោភចំនួនមួយករណី និងការប៉ុនប៉ងចាប់រំលោភមួយករណីបន្ទាប់ពីការកាត់ទោសម្ដងទៀតកាលពីដើមខែនេះ ហើយគាត់ត្រូវបានជម្រះរួចពីការចាប់រំលោភចំនួនប្រាំមួយករណីនៅក្នុងការកាត់ទោសដំបូងរបស់គាត់ក្នុងខែមករា ដើមឆ្នាំនេះ។
ខ្សែការពារស្លាបឆ្វេងដែលមិនជាប់ក្រោមកុងត្រារបស់ក្លឹបណាមួយបន្ទាប់ពីការចាកចេញពីក្លឹប Manchester City ឥឡូវនេះត្រូវបានចុះហត្ថលេខាដោយក្លឹបបារាំង Lorient ដោយ Lorient បានប្រកាសថាកីឡាករសញ្ជាតិបារាំងរូបនេះនឹងមានកិច្ចសន្យារហូតដល់ឆ្នាំ 2025៕
