ខ្សែបម្រើការពារ Thomas Partey គ្រោងនឹងបដិសេដសំណើរពីក្លិបនៅប្រទេសអារ៉ាប៊ីសាអូឌីត ស្របពេលដែលរូបគេបានយល់ព្រមលក្ខខណ្ឌផ្ទាល់ខ្លួនក្នុងការចូលរួមជាមួយសេះបង្កង់ Juventus ក្នុងតម្លៃ 17 លានផោន។
យោងតាម Sky Sport Italia ខ្សែបម្រើរបស់ Arsenal បានយល់ព្រមលើការផ្ទេរដ៏មានសក្តានុពលទៅកាន់ Juventus ដោយបដិសេធការផ្តល់ជូនពីប្រទេសអារ៉ាប៊ីសាអូឌីត ហើយអ្នកតំណាងរបស់គាត់បានឈានដល់ការព្រមព្រៀងជាមួយក្លឹប Serie A ទាក់ទងនឹងលក្ខខណ្ឌផ្ទាល់ខ្លួនរួចហើយ។ Juventus បានបង្ហាញចំណាប់អារម្មណ៍ក្នុងការចុះហត្ថលេខាលើកីឡាករអន្តរជាតិហ្គាណាកាលពី 2 ឆ្នាំមុន ប៉ុន្តែមិនអាចបន្តបានទេដោយសារតែតម្លៃស្នើសុំខ្ពស់របស់ក្រុមកាំភ្លើងធំនៅពេលនោះខ្ពស់ហួសហេតុពេក។
ទោះជាយ៉ាងណាក៏ដោយ ការផ្ទេរមួយត្រូវបានលេចឡើង ខណៈដែល Arsenal មានឆន្ទៈក្នុងការលក់ Partey នៅរដូវក្តៅនេះ ដើម្បីជៀសវាងការបាត់បង់គាត់ដោយឥតគិតថ្លៃនៅពេលដែលកិច្ចសន្យារបស់គាត់ផុតកំណត់នៅក្នុងខែមិថុនា ឆ្នាំ 2024 ។ Juventus ជឿជាក់ថាតម្លៃខ្លួនក្នុងចន្លោះពី 15-17 លានផោន អាចធានាបាននូវហត្ថលេខារបស់ Partey ដែលត្រូវបានកោតសរសើរយ៉ាងខ្លាំងដោយអ្នកចាត់ការរបស់ Juventus លោក Massimiliano Allegri ។
