អ្នកចាត់ការក្រុម Liverpool លោក Jurgen Klopp និយាយថា ពាក្យសម្តីរបស់លោកអាជ្ញាកណ្តាល Paul Tierney ទៅកាន់ Klopp អំឡុងពេលការអបអរនៃការទទួលជ័យជម្នះដ៏គួរឲ្យរំភើប 4-3 លើក្រុម Tottenham គឺមិនអាចទទួលយកបាននោះទេ។
គ្រូបង្វឹកក្រុមហង្សក្រហមបានបាត់បង់ភាពម្ចាសើការលើអារម្មណ៍របស់គាត់បន្ទាប់ពីបានឃើញ Diogo Jota ដណ្តើមបានជ័យជម្នះនៅនាទីទី 94 ទល់នឹង Spurs នៅកីឡដ្ឋាន Anfield ដោយកិច្ចខិតខំប្រឹងប្រែងនោះកើតឡើង 99 វិនាទីបន្ទាប់ពី Richarlison បានតាមស្មើឲ្យក្រុមភ្ញៀវ។ Klopp បានយកការប្រារព្ធពិធីរបស់គាត់ទៅប្រឈមមុខនឹងមន្ត្រីទី 4 ដោយទាញសរសៃពួររបស់គាត់ ហើយត្រូវបានផ្តល់កាតលឿងដោយលោក Paul Tierney។ គ្រូបង្វឹកសញ្ជាតិអាឡឺម៉ង់សារភាពថាសកម្មភាពរបស់គាត់គឺជារឿងដែលមិនចាំបាច់ ប៉ុន្តែពាក្យរបស់ Tierney ជារឿងដែលមិនគួរនិយាយទាល់តែសោះ។
Klopp បានប្រាប់ទូរទស្សន៍ Sky Sports អំពីរឿងដែលបានកើតឡើងថា “តើពួកគេអាចផ្តល់កំហុសទៅលើ Mohamed Salah មុនគ្រាប់បាល់ទី 3 របស់ Spurs យ៉ាងដូចម្តេច? យើងមានប្រវត្តិរបស់យើងជាមួយ Tierney ខ្ញុំពិតជាមិនដឹងថាគាត់មានអ្វីប្រឆាំងនឹងយើងទេ គាត់បាននិយាយថាមិនមានបញ្ហាទេ ប៉ុន្តែវាមិនអាចជាការពិតទេ។ ការអបអរគ្រាប់បាល់របស់ខ្ញុំគឺមិនចាំបាច់ទេ ប៉ុន្តែអ្វីដែលគាត់បាននិយាយមកខ្ញុំពេលគាត់ផ្តល់កាតលឿងដល់ខ្ញុំគឺមិនអាចទទួលយកបាននោះទេ”៕
ប្រភព : Sky Sports
