កីឡាករ Bukayo Saka និង Gabriel Martinelli របស់ Arsenal ពេលនេះបានផ្គូផ្គងកំណត់ត្រារបស់អតីតកីឡាករ Cristiano Ronaldo និង Wayne Rooney រួចស្រេចទៅហើយ។
Martinelli បានស៊ុតបាល់បញ្ចូលទីបន្ទាប់ពីការបញ្ជូនរបស់ Saka ដើម្បីតាមពីក្រោយមួយគ្រាប់មកវិញសម្រាប់ Arsenal ទល់នឹង Southampton ក្នុងពានរង្វាន់ Premier League ។ យោងតាម OptaJoe ជាមួយនឹងការស៊ុតបញ្ចូលទីរៀងៗខ្លួន និងការបញ្ជូនឲ្យដៃគូស៊ុតចូល ពេលនេះកីឡាករទាំងពីរបានក្លាយជាដៃគូទីពីរដែលមានអាយុ 21 ឆ្នាំឬក្រោម បន្ទាប់ពី Ronaldo និង Rooney របស់ Manchester United ដែលមានការការចូលរួមចំណែកសម្រាប់គ្រាប់បាល់ចាប់ពី 20គ្រាប់ឡើងនៅក្នុងមួយរដូវកាល។
ជារឿងសោកស្តាយសម្រាប់ Arsenal ជ័យជម្នះក្នុងដីទល់នឹងក្រុមដែលកំពុងដុនដាបនៅតំបន់កាត់ចោលដូចជា Southampton អាចធ្វើឲ្យមានការប្រែប្រួលជាខ្លាំងសម្រាប់ក្រុមកំពូលតារាង Premier League មុនការប្រកួតដែលអាចចាត់ទុកថាជាការប្រកួតសម្រេចជោគវាសនាម្ចាស់ពានឆ្នាំនេះ ដោយ Arsenal ត្រូវធ្វើដំណើរផ្លូវឆ្ងាយទៅកាន់កីឡដ្ឋាន Etihad Stadium របស់មេឃខៀវ Manchester City៕
