ហង្សក្រហម Liverpool នឹងសម្លឹងទៅរកគោលដៅផ្សេងទៀត បន្ទាប់ពី Wolves បានដកឃ្លាមួយនៅក្នុងកិច្ចសន្យារបស់ Matheus Nunes ទាក់ទងនឹងការផ្លាស់ប្តូរដែលអាចធ្វើទៅបានទៅកាន់កីឡដ្ឋាន Anfield។
ហង្សក្រហមបានខកខានមិនបានចុះកុងត្រាលើ Nunes មុនពេលគាត់ចុះហត្ថលេខាឲ្យ Wolves ពី Sporting Lisbon កាលពីរដូវក្តៅមុនម្តងហើយ។ ហង្សក្រហមត្រូវបានគេរំពឹងថានឹងត្រលប់ទៅរកខ្សែបម្រើកណ្តាលវិញ ប៉ុន្តែឥឡូវនេះបានត្រៀមខ្លួនរួចជាស្រេចដើម្បីដើរចេញពីកិច្ចព្រមព្រៀងនេះបើយោងតាមកាសែត The Telegraph ។ Wolves បានដកឃ្លាមួយដែលអាចឲ្យហង្សក្រហមផ្លាស់ប្តូរកីឡាករវ័យ 24 ឆ្នាំនៅចុងរដូវកាលនេះ។
តម្លៃរបស់ Nunes ហាក់ដូចជាហេតុផលមួយទៀតដែល Liverpool ទម្លាក់ការចាប់អារម្មណ៍។ Wolves ត្រូវបានគេជឿថាចង់បានលើសពី 50 លានផោនសម្រាប់ Nunes ទោះបីជាការពិតគាត់បានព្យាយាមធ្វើឲ្យមានការចាប់អារម្មណ៍ជាបន្តបន្ទាប់ចាប់តាំងពីបានមកដល់ Molineux៕
ប្រភព : The Telegraph
