អតីតខ្សែប្រយុទ្ធរបស់ក្លិប Barcelona និង Manchester City កីឡាករ Sergio Aguero មានបញ្ហាបេះដូងលោតខុសប្រក្រតី អំឡុងពេលផ្សាយផ្ទាល់នៅលើបណ្តាញសង្គម Twitch កាលពីយប់ថ្ងៃពុធ។
Aguero បានឈប់ហើយកៀបដើមទ្រូងរបស់គាត់មួយភ្លែតនៅពាក់កណ្តាលការផ្សាយផ្ទាល់នៅលើ Twitch ។ បន្ទាប់ពីផ្អាកមួយរយៈ កីឡាករអាហ្សង់ទីនបានទទួលស្គាល់ថាគាត់បានស៊ូទ្រាំនឹងបញ្ហាចង្វាក់បេះដូងមិនប្រក្រតី។ សំណាងល្អ នៅពេលដែលត្រូវបានគេសួរថាតើគាត់ត្រូវការជំនួសពីពេទ្យដែររឺទេ Aguero បែរជាឆ្លើយតបថាមិនអីនោះឡើយ។
គួររំលឹកផងដែរថា កីឡាកររូបនេះត្រូវបានបង្ខំចិត្តឲ្យលាឈប់ពីអាជីពបាល់ទាត់ក៏ត្រចះត្រចង់របស់គេ ក្រោយមានជំងឺបេះដូងដែលមិនអាចធ្វើឲ្យគេលេងបាល់បន្តបាន កំឡុងការប្រកួតឲ្យក្រុមអ្នកមានបុណ្យ FC Barcelona កាលពីឆ្នាំ 2021៕
ប្រភព : GOAL
