អ្នកចាត់ការរបស់ក្លិប Liverpool លោក Jurgen Klopp បានបង្ហាញពីភាពធុញទ្រាន់នៃការរិះគន់ទម្រង់ការពាររបស់ខ្សែការពារស្លាបស្តាំ Trent Alexander-Arnold។
លោក Gary Neville ដែលជាអតីតកីឡាកររបស់ Manchester United បានចេញមុខរិះគន់ជាសាធារណះទៅលើ Arnold ដោយដាក់សំណួរទៅលើលោក Gareth Southgate ក្នុងការពឹងពាក់ Arnold ក្នុងនាមជាខ្សែការពារមួយរូប។ ការរិះគន់បែបនេះ ជាហេតុធ្វើឲ្យ Klopp ចេញមុខបកស្រាយយ៉ាងខឹងសម្បា។
អ្នកចាត់ការសញ្ជាតិអាឡឺម៉ង់បាននិយាយថា “ខ្ញុំលឺថា Gary Neville បាននិយាយអំពី Trent។ ពេលនេះគេអាយុ 24ឆ្នាំហើយធ្លាប់ឈ្នះការប្រកួតសំខាន់ៗជាច្រើន ដែលរូបគេត្រូវធ្វើការការពារទល់និងខ្សែប្រយុទ្ធកំពូលៗក្នុងលោក។ រូបគេតែងតែជួយក្រុម ហើយការពារបានល្អ ខ្ញុំមិនយល់ថាហេតុអ្វីបានជាយើងនៅតែជជែកវែកញែករឿងនេះនោះទេ”៕
ប្រភព : GOAL
