លោក Pep Guardiola បានបង្ហើបពីមូលហេតុដែល Phil Foden លេងមិនចូលរួមជាមួយក្រុម Manchester City សម្រាប់ជ័យជម្នះ 3-0 ទៅលើក្រុម Wolves ក្នុងការប្រកួតលីកកំពូលអង់គ្លេស English Premier League។
Erling Haaland គឺជាចំណីចក្ខុនៃការប្រកួតទល់និងក្រុមក្បែរបាតតារាងមួយនេះ ស្របពេលដែល Jack Grealish និង Riyad Mahrez ក៏ទទួលបានការសរសើរដេរ។ ប៉ុន្តែ Foden ត្រូវបានដាក់កម្រិតជាអ្នកទស្សនា នៅពេលដែលគាត់មើលពីកន្លែងអ្នកគាំទ្រទៅវិញ។
លោក Guardiola ប្រាប់អ្នកសារព័ត៌មាននៅពេលត្រូវបានសួរឱ្យពន្យល់ពីការអវត្តមានរបស់កីឡាករជម្រើសជាតិអង់គ្លេសទល់នឹង Wolves ថា “គាត់បានលោតជាមួយ Aaron Wan-Bissaka ហើយមានបញ្ហាជើងរបស់គាត់។ វាមានបញ្ហាមិនស្រួលបន្តិច ដូច្នេះយើងបានសម្រេចចិត្តជាមួយគ្រូពេទ្យឱ្យគេសម្រាក។ យើងកំពុងតែចាំមើលថាតើគាត់ាអាចមកលេងទល់នឹង Arsenal ឬអត់”៕
ប្រភព : GOAL
