លោក Paul Parker បានចេញមកធ្វើការរិះគន់ខ្សែការពារ Harry Maguire ចំៗដោយថារូបគេមិនសមជាប្រធានក្រុមបិសាចក្រហម Manchester United នោះទេ ដោយលោក Erik ten Hag គួរតែផ្តល់ផ្លាកប្រធានក្រុមទៅកីឡាករ Bruno Fernandez វិញ។
Parker បានប្រាប់ MyBettingSites ថា “និយាយដោយស្មោះត្រង់ ស្ថានភាពជាមួយ Harry Maguire មានភាពអាម៉ាស់ឥឡូវនេះ។ វិធីដែលគាត់កំពុងដណ្តើមតំណែងពី Bruno Fernandes គឺអាក្រក់ណាស់។ គាត់មិនគួរធ្វើបែបនោះទេ ហើយ Erik ten Hag ត្រូវតែធ្វើការសម្រេចចិត្តឥឡូវនេះដើម្បីដកផ្លាកប្រធានក្រុមពី Maguire ទើបល្អ”។
អតីតខ្សែការពាររបស់ Man Utd រូបនេះបានបន្ថែមទៀតថា “ខ្ញុំមិនប្រាកដថាគាត់នឹងរកក្លឹបថ្មីនៅខែមករាទេ ប្រហែលគាត់អាចទៅលេងក្នុងលក្ខខណ្ឌខ្ចីជើង ។ គាត់មិនអាចលេងឱ្យក្រុមកំពូលដូច Man City Liverpool ឬ Newcastle នោះទេព្រោះពួកគេកំពុងតែប្រើប្រាស់ខ្សែការពារដែលល្អៗ។ គាត់ត្រូវលេងឲ្យក្រុមដែលការពារតិចព្រោះគាត់ភ័យពេកហើយយឺតពេកក្នុងការលេងឲ្យក្លិបធំមួយ”៕
ប្រភព : MyBettingSites
