យោងតាមរបាយការណ៍ជាច្រើន លោក Zinedine Zidane គ្រោងត្រូវតែងតាំងជាគ្រូបង្វឹកជម្រើសជាតិបារាំង បន្ទាប់ពីការប្រកួតបាល់ទាត់ពិភពលោក World Cup 2022។
ទោះបីជាយ៉ាងណាក៏ដោយ ដោយសារតែគ្រូបង្វឹកក្រុមជម្រើសជាតិបារាំង Didier Deschamps បន្តកុងត្រាថ្មីរហូតដល់ឆ្នាំ 2026 ឥឡូវនេះ Zidane អាចនិងបន្តជាអ្នកគ្រប់គ្រងក្លិបម្តងទៀត។
សម្រាប់ Juventus នេះគឺជាការជំរុញទឹកចិត្តដ៏សំខាន់មួយ ខណៈដែលពួកគេមើលឃើញថា Zidane ជាអ្នកស្នងតំណែងរបស់លោក Massimiliano Allegri ។ អ្វីដែលគួរឲ្យចាប់អារម្មណ័នោះគឺ សារព័ត៌មាន Fichajes បានរាយការណ៍ថាក្លិប Tottenham Hotspur ក៏កំពុងតែសម្លឹងឃើញលោក Zidane ក្នុងគោលដៅចំបងរបស់ពួកគេផងដែរក្នុងករណីដែលលោក Antonio Conte មិនបន្តកិច្ចសន្យារបស់គាត់ដែលផុតកំណត់នៅចុងបញ្ចប់នៃរដូវកាលនេះ៕
ប្រភព : Fichajes
