ក្រុមហ៊ុនដែលរ៉ាប់រងនូវគម្រោងពង្រីកបន្ថែមរបស់លីកបាល់ទាត់អាមេរិក Major League Soccer នៅទីក្រុង San Diego ដែលនឹងគ្រោងដំណើរការនៅឆ្នាំ 2025 បានរៀបចំគម្រោងដើម្បីធ្វើការសាងសង់នៅលើទឹកដីជនជាតិភាគតិច។ តំបន់ El Cajon ដែលមានទំហំប្រមាណ 12000 ម៉ែត្រការេ ហើយស្ថិតក្រោមជនជាតិភាគតិច Sycuan នឹងក្លាយជាអគារនៃអង្គការកីឡាអាជីពជាលើកដំបូងដែលសាងសង់ឡើងនៅលើទឹកដីរបស់ជនជាតិដើមភាគតិច។ ទីលានបាល់ទាត់ចំនួន 5 នឹងត្រូវរាប់បញ្ចូលក្នុងគម្រោងមួយនោះ ដែលអាចផ្ទុកបាននូវមជ្ឈមណ្ឌល Right to Dream នៅសហរដ្ឋអាមេរិក ហើយមជ្ឈមណ្ឌលមួយនេះនឹងបើកសម្រាប់កុមារចាប់ពីថ្នាក់ទី 6 ដល់ទី 12។ CEO របស់គម្រោង San ...

អ្នកគាំទ្រក្លឹប Sheffield Wednesday បាននាំគ្នារៃអង្គាសប្រាក់បានរហូតដល់ទៅប្រមាណជាង 2 មុឺនផោនសម្រាប់មូលនិធិ Bradley Lowery បន្ទាប់ពីអ្នកគាំទ្រពីររូបត្រូវបានឃើញថាបានលេងសើចជាមួយនឹងការបាត់បង់ជីវិតរបស់កុមាររូបនេះ។ អ្នកគាំទ្រទាំងនោះបានបង្កើតជាយុទ្ធនាការមួយសម្រាប់មូលនិធិដែលយកឈ្មោះតាមជនរងគ្រោះដោយសារតែជំងឺមហារីក បន្ទាប់ពីភាពចម្រូងចម្រាស់ នឹងទង្វើដែលមិនអាចទទួលយកបានរបស់អ្នកគាំទ្រចំនួនពីររូបដែលបានប្រមាថមើលងាយទៅដល់មរណភាពរបស់​ Bradley កំឡុងការប្រកួតរវាងក្រុម Sheffield Wednesday ទល់នឹង Sunderland កាលពីថ្ងៃសុក្រសប្តាហ៍មុន។​ អ្នកគាំទ្រ Sunderland វ័យក្មេងរូបនេះបានបាត់បង់ជីវិតកាលពីឆ្នាំ 2017 ហើយគេក៏បានក្លាយជាបុគ្គលដ៏ល្បីមួយដោយសារតែគេមានទំនាក់ទំនងយ៉ាងជិតស្និទ្ធជាមួយអតីតខ្សែប្រយុទ្ធ Jermain Defoe មុនពេល Bradley លាចាកលោក។ បុរសពីរនាក់ត្រូវបានឃាត់ខ្លួនភ្លាមៗក្រោមមូលហេតុនៃការប្រមាថមើលងាយជាសាធារណះ ដោយបុរសវ័យ 31 ឆ្នាំមួយរូបត្រូវបានរកឃើញថាមានស្ថានទម្ងន់ទោស ហើយត្រូវបញ្ជូនទៅចាត់ការតាមផ្លូវច្បាប់នៅខែវិច្ឆិកាខាងមុខនេះ៕

លោក Sir Jim Ratcliffe ត្រូវបានគេរាយការណ៍ថាកំពុងតែពិចារណាបោះបង់ចោលនូវការដេញថ្លៃដើម្បីទិញក្លឹប Manchester United ដោយជំនួសមកវិញនូវការទិញភាគហ៊ុនកម្រិតតូចមួយពីក្លឹបវិញ។ ក្រុមហ៊ុន Ineos Sports ត្រូវបានចាត់ទុកជាបេក្ខភាពដ៏សមរម្យមួយក្នុងការឡើងកាន់កាប់ជាម្ចាស់ក្លឹបថ្មីរបស់បិសាចក្រហមបន្ទាប់ពីគ្រួសារ Glazers បានដាក់លក់ក្លឹបជាផ្លូវការក្រោមការស្វែងរកវិនិយោគិនថ្មី ប៉ុន្តែដំណើរការមួយនេះបានខ្ជះខ្ជាយពេលវេលាសឹងតែ 10 ខែទៅហើយ ដោយពេលនេះ Sky Sports បានរាយការណ៍ថាមហាសេដ្ឋីប្រាក់ពាន់លានសញ្ជាតិអង់គ្លេសសុខចិត្តចំណាយប្រាក់តិចតួចរបស់លោកដើម្បីទិញភាគហ៊ុនជាមួយក្លឹបវិញ។ គម្រោងទិញភាគហ៊ុនកម្រិតតូចមួយនេះមានន័យថា លោក Ratcliffe នៅតែមានឥទ្ធិពលសម្រាប់​ Man United ប៉ុន្តែអំណាចធំបំផុតនៅតែជាគ្រួសារ Glazer ដដែល។ វាមិនច្បាស់ថាកិច្ចព្រមព្រៀងមួយនោះនឹងត្រូវធ្វើឡើងបែបណាទេ ព្រោះអ្នកគាំទ្រភាគច្រើនរបស់ Manchester United ...

Lionel Messi ត្រូវបានគេរាយការណ៍ថាចាប់អារម្មណ៍ចង់បានខ្សែបម្រើវ័យចំណាស់របស់អធិរាជស Real Madrid កីឡាករ Luka Modric ជាមិត្តរួមក្រុមរបស់គាត់នៅក្លឹប Inter Miami ។ Pedja Mijatovic អតីតតារាឆ្នើមរបស់ក្លឹប Real Madrid បានបង្ហាញឱ្យដឹងថា កិច្ចពិភាក្សាមួយបានកើតឡើងរួចហើយរវាងសហម្ចាស់ក្លឹប David Beckham និងខ្សែបម្រើវ័យ 38 ឆ្នាំ ហើយការដេញថ្លៃណាមួយអាចនឹងត្រូវបានដាក់ជូននៅខែមករា។ Mijatovic បានប្រាប់ Cadena SER ថា “Messi ខ្លួនគាត់ផ្ទាល់បានចាប់អារម្មណ៍លើលទ្ធភាពនេះ។ នៅប្រទេសក្រូអាត ប៉ុន្មានថ្ងៃមុន ...

Gary Neville បានរិះគន់ Liverpool ចំពោះការបង្ហោះសេចក្តីថ្លែងការណ៍រិះគន់ PGMOL បន្ទាប់ពីគ្រាប់បាល់របស់ Luis Diaz ក្នុងការប្រកួតទល់នឹង Tottenham ត្រូវបានលុបចោលទាំងមិនសមស្រប។ Liverpool បានចេញសេចក្តីថ្លែងការណ៍ដ៏អាក្រក់មួយកាលពីថ្ងៃអាទិត្យ បន្ទាប់ពីគ្រាប់បាល់របស់ Diaz ត្រូវបានច្រានចោលដោយខុសលើក្រុម Tottenham ។ PGMOL ទទួលស្គាល់ថាកំហុសរបស់មនុស្សសំខាន់មួយនេះបានកើតឡើង ប៉ុន្តែក្រុមហង្សក្រហមអះអាងថា ការពន្យល់នេះគឺមិនអាចទទួលយកបានហើយនិយាយថាមានតម្រូវការច្បាស់លាស់សម្រាប់ការដោះស្រាយ។ លោក Neville បានសរសេរនៅលើ X ថា “Jurgen Klopp បានដោះស្រាយស្ថានភាពបានយ៉ាងល្អកាលពីយប់មិញបន្ទាប់ពីការប្រកួត។ អ្នកគាំទ្របាល់ទាត់ភាគច្រើននឹងមានការយល់ចិត្តចំពោះអ្វីដែលបានកើតឡើង ហើយទទួលស្គាល់ថាវាខុស! ទោះ​បី​ជា​ការ​លើក​ឡើង​របស់ ...

គំនិតរបស់លោក Mauricio Pochettino ក្នុងការកំណត់អត្តសញ្ញាណអ្នកចាំទីដៃទីមួយរបស់ក្លឹប អាចជាការព្រមានមួយសម្រាប់លោក Mikel Arteta ដែលជាគ្រូបង្វឹករបស់ក្រុម Arsenal ។ គ្រូបង្វឹក Chelsea បានដាក់កីឡាករចំណូលថ្មី Robert Sanchez ជាប់លាប់ក្នុងរាល់ការប្រកួតដែលក្លឹបបានលេងរហូតមកដល់ពេលនេះ រួមទាំងការប្រកួត Carabao Cup ចំនួនពីរផងដែរ។ Pochettino ជឿជាក់ថាអ្នកចាត់ការទូទៅគួរតែមានអ្នកចាំទីលេខ 1 ដែលត្រូវបានចាត់តាំងជានិច្ច ព្រោះកាលដែលមានអ្នកចាំទីផ្លាស់ប្តូរច្រើនញឹកញាប់ពេក អាចផ្តល់ជាហានិភ័យយ៉ាងខ្លាំងសម្រាប់ក្រុមទាំងមូល។ ថ្លែងទៅកាន់អ្នកសារព័ត៌មានអំពីការតែងតាំង Sanchez ជាអ្នកចាំទីជម្រើសដំបូងរបស់ក្រុម លោក Pochettino បាននិយាយថា “ខ្ញុំគិតថាវាមានសារៈសំខាន់ខ្លាំងណាស់ក្នុងការមានកីឡាករល្អគ្រប់មុខតំណែង ដើម្បីមានការប្រកួតប្រជែងសម្រាប់កន្លែងនោះ។ ...

Hwang Hee-Chan បានស៊ុតបញ្ចូលទីគ្រាប់ជ័យជម្នះក្នុងអំឡុងពេលដែល Wolves បានទទួលជ័យជម្នះលទ្ធផល 2-1 ទៅលើក្រុមមេឃខៀវ Manchester City ហើយ Wolves បានវាយបកលើលោក Pep Guardiola ដោយសារគាត់ភ្លេចឈ្មោះកីឡាករជនជាតិកូរ៉េរូបនេះ។ Hwang រកបានគ្រាប់ជ័យជម្នះដើម្បីប្រគល់ឱ្យ Man City នូវការចាញ់ជាលើកទីពីរជាប់ៗគ្នា បន្ទាប់ពីពួកគេបានចាញ់កាលពីដើមសប្តាហ៍នេះក្រោមស្នាដៃក្រុម Newcastle United ក្នុងជុំទីបីនៃពានរង្វាន់ Carabao Cup ។ មួយគ្រាប់របស់ខ្សែប្រយុទ្ធកូរ៉េបានជំរុញឱ្យគណនី Twitter របស់ Wolves ដាក់ចំណងជើងការប្រកាសគ្រាប់បាល់របស់ពួកគេ ‘THE KOREAN ...

ការប្រកួតក្នុងលីកកំពូលហូឡង់ Eredivisie រវាងក្រុម RKC Waalwijk និង Ajax ត្រូវបានផ្អាកជាបណ្តោះអាសន្ន បន្ទាប់ពីមានគ្រោះអាសន្នធ្ងន់ធ្ងរពាក់ព័ន្ធនឹងអ្នកចាំទី Etienne Vaessen របស់ក្រុមម្ចាស់ផ្ទះ។ ការប្រកួតនេះត្រូវបានផ្អាកភ្លាមៗ បន្ទាប់ពីអ្នកចាំទីបានចេញពីប្រអប់គ្រោះថ្នាក់របស់គាត់ ហើយបានប៉ះទង្គិចជាមួយខ្សែប្រយុទ្ធ Bryan Brobbey របស់ Ajax។ Vaessen បាន​ដេក​ស្តូកនៅលើទីលាន​បន្ទាប់​ពី​កើត​ហេតុ ហើយ​អាជ្ញាកណ្តាល​បាន​បញ្ឈប់ការប្រកួត ហើយ​បាន​ហៅ​បុគ្គលិក​ពេទ្យចូលមកជួយត្រួតពិនិត្យភ្លាមៗ។ ស្ថានភាពកាន់តែធ្ងន់ធ្ងរឡើង នៅពេលដែលកីឡាកររបស់ RKC ឡោមព័ទ្ធអ្នកចាំទី ដើម្បីរារាំងទិដ្ឋភាពសង្គ្រោះ ខណៈពេលដែលអ្នកចាំទី Vaessen កំពុងត្រូវបានព្យាបាល។ កីឡាករវ័យ 28 ឆ្នាំត្រូវបានដកចេញភ្លាមៗ ...

ខ្សែប្រយុទ្ធជួរមុខ Lautaro Martinez រកបាន 4 គ្រាប់សម្រាប់ក្រុម Inter Milan ក្នុងជំនួបទល់នឹង Salernitana ក្នុងនាមជាកីឡាករផ្លាស់ប្តូរចូលនៅតង់ទីពីរ។ កីឡាករសញ្ជាតិអាហ្សង់ទីនរូបនេះបានចូលមកកាន់ទីលាននៅនាទីទី 55 នៃការប្រកួត ខណះដែលលទ្ធផលនៅត្រឹម 0-0 នៅឡើយ។ ម្ចាស់ជើងឯក World Cup រកបានបួនគ្រាប់ក្នុងរយៈពេល 30 នាទីបន្ទាប់ ខណៈដែល Inter នៅទីបំផុតបានយកឈ្នះក្នុងលទ្ធផល 4-0 ។ ជាមួយនឹងទម្រង់លេងកាន់តែកាចបែបនេះ Martinez បានក្លាយជាកីឡាករដំបូងគេដែលមិនធ្លាប់មាននៅ Serie A ដែលស៊ុតបញ្ចូលទីបាន ...

កីឡាករ OGC Nice ដែលឈរនៅលើគែមស្ពានក្នុងទីក្រុងក្នុងការប៉ុនប៉ងធ្វើអត្តឃាត ពេលនេះមានសុវត្ថិភាពហើយ នេះបើយោងតាមរបាយការណ៍នៅក្នុងប្រទេសបារាំង។ តាមការរាយការណ៍ដំបូងដោយ BFM Nice Cote d’Azur កីឡាករបាល់ទាត់អាជីពមួយរូបរបស់ក្រុម Nice បានឈប់នៅលើផ្នែកមួយនៃផ្លូវហាយវេ មុនចេញពីរថយន្តរបស់ពួកគេហើយឡើងលើរនាំងការពារ។ ប៉ូលីសបានចូលរួមភ្លាមៗនៅឯ Magnan តំបន់ ខណៈដែល RMC Sport បានរាយការណ៍ថាក្លឹប Ligue 1 បានបញ្ជូនអ្នកចិត្តសាស្រ្តម្នាក់ដើម្បីផ្តល់ការគាំទ្រដល់កីឡាករ។ ដើម្បីជាការឆ្លើយតបទៅនឹងឧបទ្ទវហេតុនេះ Nice បានលុបចោលសន្និសីទសារព័ត៌មានកាលពីថ្ងៃសុក្រមុនការប្រកួតរបស់ពួកគេជាមួយនឹងក្រុម Brest ដោយអ្នកសារព័ត៌មានមួយចំនួនបានទៅដល់រួចហើយ នៅពេលដែលការសម្រេចចិត្តត្រូវបានធ្វើឡើង ដោយក្លឹបក៏បានរៀបចំកិច្ចប្រជុំភ្លាមផងដែរ៕