តារាឆ្នើមរបស់ក្លិប Bayern Munich កីឡាករ Leroy Sane បានត្រលប់មកទីលានហ្វឹកហាត់របស់ក្លិប Manchester City វិញ ដើម្បីស្វាគមន៍អតីតមិត្តរួមក្រុមរបស់គាត់កាលពីពេលថ្មីៗនេះ។
កីឡាករជម្រើសជាតិអាឡឺម៉ង់រូបនេះបានចំណាយពេល 4 រដូវកាលនៅ Manchester City ពីឆ្នាំ 2016 រហូតមកដល់ឆ្នាំ 2020 មុនពេលត្រលប់ទៅប្រទេសកំណើតរបស់គាត់ និងចូលរួមជាមួយក្លិបយក្សអាឡឺម៉ង់ Bayern Munich ។ ថ្មីៗនេះគាត់បានទៅលេងអតីតក្លិបរបស់គាត់ ហើយបានទៅស្វាគមន៍អតីតមិត្តរួមក្រុម ដូចជា John Stones, Kyle Walker និង Scott Carson។
Sane គឺជាផ្នែកមួយនៃក្រុមអាឡឺម៉ង់ដែលបានធ្លាក់ចេញពីការប្រកួត World Cup ឆ្នាំ 2022 នៅវគ្គចែកពូល បន្ទាប់ពីបានបញ្ចប់ក្នុងចំណាត់ថ្នាក់លេខ 3 នៅពីក្រោមក្រុមជម្រើសជាតិជប៉ុន និងអេស្ប៉ាញ៕
ប្រភព : GOAL
