ក្រុម Ajax បានរងបរាជ័យក្នុងការប្រកួតលីកកំពូលហូឡង់ Eredivisie ដ៏អាក្រក់បំផុតរបស់ពួកគេកាលពីថ្ងៃអាទិត្យនេះ ខណៈដែលពួកគេបានចាញ់ Feyenoord រហូតដល់ទៅ 6-0 ក្នុងជំនួប De Klassieker។
លទ្ធផលនៃការប្រកួតមួយនេះគឺជាលទ្ធផលបរាជ័យអាក្រក់បំផុតសម្រាប់ Ajax ក្នុងលីកកំពូលហូឡង់ ដោយនេះជាលើកទីមួយដែល Ajax ចាញ់ក្រុមណាមួយរហូតដល់ទៅ 5 គ្រាប់។ ការបរាជ័យធំចុងក្រោយបំផុតរបស់ Ajax នៅ Eredivisie គឺកាលពីឆ្នាំ 1964 ដែលពេលនោះ Ajax ភ្លាត់ចាញ់ក្រុម De Kuip ក្នុងលទ្ធផល 9-4។
នៅក្នុងការប្រកួតដ៏អាម៉ាស់មួយនេះ ក្រុម Feyenoord អាចស៊ុតបានសរុបចំនួន 31 ដងខណៈដែលក្រុមភ្ញៀវស៊ុតបានតែម្តង ហើយត្រូវបានក្រុមម្ចាស់ផ្ទះធ្វើបាបតាំងពីដើមដល់ចប់ការប្រកួត។ នេះក៏បានកត់សម្គាល់ផងដែរនូវការបរាជ័យលើកទី 14 របស់ Ajax នៅក្នុងការប្រកួតទាំងអស់ ខណៈដែលពួកគេបានស្មើកំណត់ត្រាពីមុនរបស់ពួកគេសម្រាប់ការចាញ់ច្រើនជាងគេក្នុងរដូវកាលតែមួយ។
