កីឡាករ Kylian Mbappe ចង់លេងនៅការប្រកួត EURO ឆ្នាំ 2024 ជាមួយនឹងអារម្មណ៍ស្ងប់ល្អ ខណះដែលខ្លួនបានអះអាងថាមិនមានការសន្ទនាអ្វីនោះឡើយនៅ PSG ទាក់ទងនឹងលទ្ធភាពនៃការផ្ទេរនៅរដូវក្តៅខាងមុខ។
ខ្សែប្រយុទ្ធសញ្ជាតិបារាំង និង Paris Saint-Germain រូបនេះបានអះអាងថា ការផ្ទេរដែលអាចធ្វើទៅបានរបស់គាត់ទៅ Real Madrid នៅរដូវក្តៅនឹងមិនប៉ះពាល់ដល់ផ្នត់គំនិតរបស់គាត់ឡើយ ខណៈដែលគាត់បានប្តេជ្ញាឆ្ពោះទៅកាន់ព្រឹត្តិការណ៍ Euro ឆ្នាំ 2024 ជាមួយនឹងសន្តិភាពនៃផ្លូវចិត្ត។
ការផ្លាស់ទៅ Real Madrid របស់កីឡាករវ័យ 25 ឆ្នាំគឺស្ទើរតែរួចរាល់ហើយ បន្ទាប់ពីកីឡាកររូបនេះបានយល់ព្រមមិនផ្លូវការជាមួយក្លឹបដើម្បីចូលរួមជាមួយពួកគេនៅរដូវក្តៅ បន្ទាប់ពីកិច្ចសន្យារបស់គាត់នៅ PSG ផុតកំណត់។ ខណៈពេលដែលមិនទាន់មានការប្រកាសជាផ្លូវការពីភាគីណាមួយ ប៉ុន្តែវាត្រូវបានគេរាយការណ៍កាលពីខែមុនថា Kylian Mbappe បានជូនដំណឹងដល់មិត្តរួមក្រុមនៅ PSG និងគ្រូបង្វឹករបស់គាត់អំពីការចាកចេញរបស់គាត់ ហើយថែមទាំងបានទាក់ទងទៅប្រធានក្លឹប Nasser Al-Khelaifi ផ្ទាល់ផងដែរ៕
