Maurizio Sarri បានសម្រេចលាលែងពីតួនាទីជាអ្នកចាត់ការក្រុម Lazio បន្ទាប់ពីពួកគេបានចាកចេញពីក្របខ័ណ្ឌ Champions League ត្រឹមវគ្គ 16 ក្រុមចុងក្រោយ ដោយសារថ្វីជើងក្រុម Bayern Munich កាលពីសប្តាហ៍មុន។
លោក Fabrizio Romano រាយការណ៍ថាគ្រូបង្វឹកសញ្ជាតិអ៊ីតាលីបានប្រាប់ក្លឹប Serie A កាលពីរសៀលថ្ងៃអង្គារថាគាត់នឹងមិនបន្តជាគ្រូបង្វឹកទេ ដោយគាត់នឹលាលែងពីតំណែងជាមួយឥទ្ធិពលភ្លាមៗ។ ការសម្រេចចិត្តនោះកើតឡើងបន្ទាប់ពីក្រុម Lazio បានធ្លាក់ចេញពីការប្រកួតវគ្គ 16 ក្រុងចុងក្រោយទាំងដែលខ្លួនមានគ្រាប់ចំណេញមួយគ្រាប់ក្នុងដៃកាលពីជើងទីមួយរួចទៅហើយ។
Sarri បានក្លាយជាគ្រូបង្វឹក Lazio ក្នុងខែមិថុនា ឆ្នាំ 2021 បន្ទាប់ពីមួយរដូវកាលនៅ Chelsea និង Juventus និងសម្រាករយៈពេលខ្លីបន្ទាប់ពីចាកចេញពីក្លឹបសេះបង្កង់រួចមក។ នោះមានន័យថាគ្រូបង្វឹកជនជាតិអ៊ីតាលីបានចំណាយពេលស្ទើរតែច្រើននៅក្លឹបនៃទីក្រុង Rome ដូចដែលគាត់បានធ្វើជាមួយ Napoli ជាកន្លែងដែលគាត់បានបង្កើតឈ្មោះសម្រាប់ខ្លួនគាត់នៅចន្លោះឆ្នាំ 2015 និង 2018 ។ បើទោះបីជាគាត់មិនបានឈ្នះពានរង្វាន់ក្នុងអំឡុងពេល 2 ឆ្នាំកន្លះរបស់គាត់ជាមួយ Lazio ក៏ដោយ លោក Sarri បានអបអរជ័យជម្នះដ៏គួរឱ្យរំភើបជាច្រើនក្នុងការប្រកួតទល់នឹងដៃគូប្រជែងខ្លាំងៗក្នុងលីក និងនាំក្រុមរបស់គាត់ត្រលប់ទៅវគ្គជម្រុះ Champions League វិញ៕
