Mohamed Salah ត្រូវបានគេប្រទះឃើញថាត្រឡប់មកវិញក្នុងការហ្វឹកហាត់ជាមួយ Liverpool ពោរពេញទៅដោយស្នាមញញឹមយ៉ាងធំនៅលើមុខរបស់គាត់កាលពីថ្ងៃអង្គារកន្លងទៅ ដោយបានជាសះស្បើយរួចហើយពីរបួសកំឡុងការប្រកួត AFCON។
Salah មិនបានលេងឱ្យ Liverpool តាំងពីថ្ងៃចូលឆ្នាំថ្មីមកម្ល៉េះ ដោយបានរងរបួសសរសៃពួរធ្ងន់ធ្ងរក្នុងវគ្គចែកពូលពាន AFCON ជាមួយក្រុមជម្រើសជាតិអេហ្ស៊ីប ដែលបង្ខំឱ្យគាត់ត្រឡប់ទៅកីឡដ្ឋាន Anfield មុនពេលដើម្បីព្យាបាល។ កីឡាករវ័យ 31 ឆ្នាំដំបូងត្រូវបានគេរំពឹងថានឹងអវត្តមានក្នុងរយៈពេលវែង ប៉ុន្តែបានជាសះស្បើយឡើងវិញមុនកាលវិភាគ ហើយបានឈានជើងចូលក្នុងទីលានហ្វឹកហាត់នៅ Melwood នៅព្រឹកថ្ងៃអង្គារ។
ការមកដល់របស់ Salah គឺជាដំណឺងដ៏ល្អមួយសម្រាប់ក្រុមរបស់លោក Jurgen Klopp ខណះដែលក្លឹបហង្សក្រហមត្រូវធ្វើដំណើរទៅកាន់កីឡដ្ឋាន Gtech Community Stadium ដើម្បីទៅសួរសុខទុក្ខក្រុម Brentford ក្នុងជំនួបដែលត្រូវបានជ័យជម្នះជាចាំបាច់ដើម្បីបន្តឈរលើកំពូលតារាង Premier League៕
