ការប៉ះទង្គិចដ៏ក្តៅគគុករបស់ Real Madrid ទល់នឹងក្រុម Getafe បានបង្កឱ្យមានការស៊ើបអង្កេតពីលីកកំពូលអេស្ប៉ាញ La Liga ទាក់ទងនឹងការស្រែកជេរប្រមាថរើសអើងពណ៌សម្បុរ ក៏ដូចជាការប្រើពាក្យប្រមាថពីកីឡាករ Jude Bellingham។
ជំនួបមួយនេះបានទាក់ទាញចំណាប់អារម្មណ៍មហាជនជាច្រើនដោយសារតែការអះអាងថា Bellingham បានហៅ Mason Greenwood ថាជាជនចាប់រំលោភ។ La Liga ក៏កំពុងសម្លឹងមើលការអះអាងដែលអ្នកគាំទ្ររបស់ក្រុម Getafe បានស្រែកជេររើសអើងជាតិសាសន៍ដោយហៅតារាឆ្នើមរបស់ក្រុម Real Madrid កីឡាករ Vinicius Junior ថាជាស្វា ដោយលីកកំពូលអេស្ប៉ាញបានសរសេរនៅក្នុងពាក្យបណ្តឹងមួយដែលបានដាក់ជូនសហព័ន្ធបាល់ទាត់អេស្ប៉ាញ RFEF។
ការប្រមាថរបស់ Bellingham ទៅកាន់ Greenwood ក៏កំពុងត្រូវបានមើលផងដែរ ហើយ La Liga ថែមទាំងត្រូវបានគេនិយាយថាបាននាំយកអ្នកអានបបូរមាត់ដើម្បីបញ្ជាក់ពីអ្វីដែលបានខ្សែបម្រើសញ្ជាតិអង់គ្លេសបាននិយាយ។ របាយការណ៍របស់ La Liga បាននិយាយថាវាត្រូវបានរាយការណ៍ផងដែរថាបន្ទាប់ពីបញ្ចប់ការប្រកួត សារត្រូវបានរកឃើញតាមរយៈប្រព័ន្ធផ្សព្វផ្សាយសង្គមទាក់ទងនឹងឧប្បត្តិហេតុដែលអាចកើតមានដែលកីឡាករ Jude Bellingham បានប្រមាថកីឡាកររួមជាតិ Mason Greenwood ជាភាសាអង់គ្លេសកំឡុងការប្រកួត៕
