បន្ទាប់ពីអាជ្ញាកណ្តាលបានផ្លុំកញ្ចែបញ្ចប់ការប្រកួត Club World Cup វគ្គផ្តាច់ព្រ័ត្រកាលពីពេលថ្មីៗកន្លងទៅ ខ្សែការពារ Kyle Walker របស់ Manchester City និងកីឡាករ Felipe Melo របស់ក្លឹប Fluminense បានឈ្លោះប្រកែកគ្នាយ៉ាងខ្លាំង។
ខ្សែការពាររបស់ City គឺជាប្រធានក្រុមដែលបានឈ្នះពានរង្វាន់លើកទី 5 របស់ពួកគេក្នុងឆ្នាំ 2023 ដោយបានយកឈ្នះក្រុម Fluminese ក្នុងលទ្ធផល 4-0 ក្នុងប្រទេសអារ៉ាប៊ីសាអូឌីត។ ទោះបីវាជាឱកាសដ៏រីករាយសម្រាប់ Man City ក៏ដោយក៏ខ្សែការពារអង់គ្លេសនៅតែស្ថិតការប៉ះទង្គិចជាមួយ Melo បន្ទាប់ពីចប់ការប្រកួត។ Walker ត្រូវបានរារាំងដោយមិត្តរួមក្រុមរបស់គាត់ រួមទាំង Jack Grealish ក៏ដូចជាបុគ្គលិកផ្នែកខាងក្រោយរបស់ Man City បន្ទាប់ពីត្រូវបាន Melo រុញច្រាន។ ការខកចិត្តរបស់ Fluminense បានកើតឡើងនៅតង់ទីពីរនៃការប្រកួត ដោយសារតែភាពខ្លាំងរបស់ Man City ជាមួយនឹងភាពក្តៅក្រហាយបន្ទាប់ពី ចប់ 90 នាទី។
ពានរង្វាន់នោះគឺជាពានទីពីរក្នុងរដូវកាលនេះ សម្រាប់ក្រុមរបស់លោក Pep Guardiola បន្ទាប់ពីការទទួលជ័យជម្នះ UEFA Super Cup ក្រោយរកបានជោគជ័យធំធេងកាលពូរដួវកាលមុន ដោយបានលើកពានធំៗបីក្នុងមួយរដូវកាល រួមមាន Premier League, FA Cup, និង Champions League៕
