កីឡាករ Ansu Fati ដែលខ្ចីជើងមកពី Barcelona អាចប្រឈមការសម្រាកដ៏យូរមួយនៅក្រៅទីលាន បន្ទាប់ពីរងរបួសធ្ងន់ធ្ងរនៅក្នុងជំនួបរវាង Brighton ទល់នឹង Nottingham Forest កាលពីចុងសប្តាហ៍កន្លងទៅ។
Roberto de Zerbi ត្រូវបានរងបរាជ័យធំៗចំនួនពីរមុនពេលពួកគេជួប AEK Athens ក្នុងក្របខ័ណ្ឌ Europa League នៅថ្ងៃព្រហស្បតិ៍ ខណៈដែលខ្សែប្រយុទ្ធអេស្ប៉ាញបានចូលរួមជាមួយ Tariq Lamptey នៅក្នុងបន្ទប់ព្យាបាល។ Fati មានបញ្ហាចាប់តាំងពីតង់ទីមួយនៅកីឡដ្ឋាន City Ground អំឡុងពេលទទួលបានជ័យជម្នះ 3-2 លើ Nottingham បន្ទាប់ពីលេងបានត្រឹមតែ 21 នាទីប៉ុណ្ណោះ ហើយអាចនឹងត្រូវអវត្តមានរយៈពេល 3 ខែ។
ថ្លែងទៅកាន់អ្នកសារព័ត៌មានមុនការប្រកួតលោក De Zerbi បានប្រាប់ថា “Ansu និង Lamptey គឺសុទ្ធសឹងតែរបួសទាំងអស់។ យើងនឹងត្រូវបាត់បង់ពួកគេក្នុងរយះពេលយូរទៀត។ ការផ្តោតសំខាន់គឺទៅលើកីឡាករដែលអាចលេងនៅថ្ងៃស្អែក។ យើងនឹងមានកីឡាករគ្រប់គ្រាន់ក្នុងការប្រកួត។ ខ្ញុំមិនដឹងថាយើងឈ្នះឬអត់ទេ ប៉ុន្តែយើងនឹងតស៊ូដើម្បីឈ្នះការប្រកួតមួយនេះ”៕
