Liverpool ត្រូវបានផ្សារភ្ជាប់ជាមួយនឹងការចាប់អារម្មណ៍យ៉ាងខ្លាំងក្នុងការចុះហត្ថលេខាលើកីឡាករ Kylian Mbappe ពីក្លឹប Paris Saint-Germain បន្ទាប់ពី Real Madrid បានដកខ្លួនចេញពីការប្រកួតប្រជែង។
Real ត្រូវបានគេរាយការណ៍ថាបានធ្វើការសម្រេចចិត្តមិនដេញតាម Mbappe នៅរដូវក្តៅនៅពេលដែលរូបគេក្លាយជាកីឡាករដែលគ្មានក្លឹបលេង។ ពួកគេបានដេញតាមកីឡាករសញ្ជាតិបារាំងជាច្រើនដងមកហើយ ប៉ុន្តែជឿថាការទាមទារកិច្ចសន្យារបស់គាត់ និងកិច្ចព្រមព្រៀងដែលគាត់កំពុងធ្វើបច្ចុប្បន្នធ្វើឱ្យ Real Madrid មិនអាចសម្រេចការតាមយកបាន។
របាយការណ៍ថ្មីមួយពី AS តាមរយៈ Sport Witness បានអះអាងថា Mbappe ចង់បាន 35 លានអឺរ៉ូក្នុងមួយឆ្នាំ ដែលស្មើនឹងប្រាក់ឈ្នួលប្រចាំសប្តាហ៍ប្រមាណ 586,000 ផោន។ Kylian ក៏នឹងទាមទារប្រហែល 100 លានអឺរ៉ូ ដែលជាថ្លៃចុះហត្ថលេខាផងដែរ។ គួររំលឹកផងដែរថា Mbappe គឺជាអ្នកគាំទ្ររបស់ Real Madrid តាំងពីកុមារភាព ហើយរូបភាពដ៏ល្បីមួយរបស់ Mbappe ដែលមានសុទ្ធតែផ្ទាំងរូបភាពរបស់ Cristiano Ronaldo កាលពីក្មេងក៏ត្រូវបានចែកចាយពេញបណ្តាញសង្គមផងដែរ។ ទោះបីជាយ៉ាងណាក៏ដោយ ខណៈពេលដែលវាហាក់ដូចជាប្រាកដថាគាត់នឹងមិនអាចទៅលេងនៅអេស្ប៉ាញដោយសារតម្រូវការផ្ទាល់ខ្លួនខ្ពស់ ការផ្លាស់ទៅអង់គ្លេសបានក្លាយជាលទ្ធភាពដែលសមប្រកបមួយវិញ៕
